SOFONÍAS 1:11 - Wuj Pa K'ubultzij

¹¹ ¡Chixwuyuyoq, winaq re i jutasaj re i tinimit Mactes, man konojel ajk'ayinel kekamik, konojel ni'pa i kechakun ru' mer ani'al lik ksachsax kiwach!

SOFONÍAS 1:11 Referans Kwoze

Santiágo 5:1

Yix ix b'eyomab', ¡Chita iri! Chixo'oq xaq chixsik'inoq rumal i k'ax kpe ni piwi.

Ezequiel 21:12

Yet winaq, ¡chatsik'inoq, chato'oq, man lik ch'ob'tal chik ukamsaxik intinimit, xaq konojel aj-ok'al utzam i jalajuj taq tinimit re Israel! Lik yatal utojb'alil chke chi kekam ni junam ru' intinimit, rumali lik chach'aya uwach ak'ux rumal i k'ax.

JEREMÍAS 25:34

¡Chixsik'inoq, ix, ajyu'ul chij, chixsik'in rumal uk'axk'ol! ¡Yix, chi je iwok'am i chij, chib'alk'atij iwib' pa taq ulew! Man ya xuriq i ij re i kamsanik, xaq yix kixkamsax na pacha kikamsaxik i ti'ojib' chij.

Juan 2:16

Konojel ni'pa kek'ayiw i palomax xub'ij chke: —¡Chiwesaj b'i ronojel iri waral, mi'an jun k'eb'al che rachoch Inqajaw! —Xcha.

Joel 1:13

Yix, chi ix ajsujul sipon, ix ajyijb'al k'ijib'al re sujunik chwach i Dios, chikojo i'u' chi lik as xaq chixo' rumal uk'axk'ol, man i prachoch i Ajwal chi i-Dios nti chik sipon ch'irajil xaq i uwa'al uva muqb'am re ksujuxik.

Joel 1:5

¡Yix, ab'arelab', chk'un saq chiwach! ¡Lik chixo'oq, ix ajtu'ul uwa'al uva muqb'am, man i uwa'al uva kmaj ni chiwe!

Oseas 9:6

Ike je anmajnaq chwach i sachb'al kiwach; i Egipto keumol na, te'uri pa tinimit Menfis kemuq wi. Ni'pa taq i kib'eyomal chi saq-o'oj keu'on na pacha i tzarab', i k'ijib'al re kachoch ipa kimolom wi kib' kk'iy ni k'ix chwach.

JEREMÍAS 4:8

Rumali, chiwiqa iwib' ru' i'u' as, chixo'oq xaq chixjilaw rumal uk'axk'ol, man ik'awnaq ti i nim laj roywal i Ajwal chqe.

Job 27:16

Tupu i utz ti laj winaq ktiki chut'ub'axik uchi' i saq-o'oj ru' pacha k-ani che i ulew xaq we lik k'iyal taq molaj k'ul o ru',

Job 27:17

xwiri are ni jun utz laj winaq kkojow i k'ul le xaq are ni jun utz laj winaq kutij ni uri i saq-o'oj le.

SOFONÍAS 2:5

¡To' iwach yix, winaq aj Creta, chi ix jeqel chuchi' i mar! I Dios ub'im chik i tojb'alili chiwij yix: ¡Canaán, tinimit ke aj Filistea, lik kinsachsaj ni awach xaq katinya kanoq nti chik awinaq!

ZACARÍAS 14:21

Konojel i b'oj re i kosino chi o pa Jerusalén xaq pa Judá, lik jachtal pu'ab' i Ajwal chi ronojel ktiki che. Pachin kkisujuj jun poronik are kechapb'ew ni i b'oj le, i kkicha'saj i ti' ke i chikop chupam chi kkisujuj. Che i ij le lik nti chik jun ajk'ay prachoch i Ajwal chi ronojel ktiki che.