Salmos 81:8 - Wuj Pa K'ubultzij

⁸ Yix chi ix intinimit, chita wach kinb'ij chiwe chuxe'el, aj Israel, ¡Lik utz te'eq wetene kixkojon chwe!

Salmos 81:8 Referans Kwoze

Salmos 50:7

“Chata, yet Israel, chi at intinimit; lik kinsaqij ni ronojel amak chi a'anom chwe. ¡Yin in Dios! ¡Yin in a-Dios yet!

Juan 3:11

Saq laj tzij kinb'ij chawe: Yoj kojlapan chrij i wach taq qeta'am; xaq ronojel ni'pa i qilom are ile kqab'ij; xwiri yix kikoj taj wach i kqab'ij chiwe.

ISAÍAS 1:19

We ki'an che iwib' chi kixkojonik, lik kitij ni utz uri chi kuya ulew.

ÉXODO 15:26

Xub'ij: “Yin in Iwajwal Dios, we lik kiya ixikin che intzij, we ki'an i suk'ulik chinwach, we ki'ano pacha kub'ij in-atb'al tzij xaq we kixkojon che intzij inpixab', kinya ti uri jun tojpen piwi pacha xinya pkiwi aj Egipto. Man Yin chi in Ajwal in kunanel iwe.” Xcha.

1 Juan 5:9

Yoj kqakojo wach taq kkib'ij i to' winaq, mas o uri uchak chqakojo utzij i Dios; rumali o uchak kqakojo wach kub'ij chrij Uk'ojol.

Salmos 81:13

Intinimit wetene xinkita, wetene i aj Israel xkaj b'inik chupam inb'e,

Hechos 20:21

Xinb'ij chke aj Judío xaq chke i ne te aj Judío chi chkijalwachij kik'aslemal chwach i Dios xaq chkikub'a kik'ux che i Qajwal Jesús.

Deuteronomio 32:46

Xub'ij chke: “Chich'ob'o ronojel ni'pa o chupam i atb'al tzij chi xinb'ij chiwe wo'or, chik'utu chke konojel iwak'al chi chki'ana ronojel i tzij re i atb'al tziji.

Deuteronomio 5:27

Rumali utz we xwi yet kattejeb' panoq xaq chata ronojel ni'pa kub'ij i Ajwal chi qa-Dios chawe, te'uri kab'ij yet chqe wach i xub'ij chawe, yoj lik kqa'an ni ronojel wach i kab'ij chqe.

ÉXODO 17:7

I ma Moisés xuya pub'i i jyub' le Masah xaq Meriba, rumal kich'ojinik aj Israel ru' ma Moisés xaq rumal xkik'am upam i Ajwal man xkib'ij: “¿O i Ajwal chqaxol o ntaj?”

ÉXODO 19:16

Churox ij, are xsaqirik lik kreplaj xe taq kaj, kraqlajik pacha ray xaq xqaj li jub'an sutz' puwi jyub', are uri xtataj uch'awb'al i trompeta chi lik ko kch'awik. Konojel i winaq chi je o chupam kimujb'al lik kesiksat chik.

NÚMEROS 20:13

Ronojel ile xuk'ulmaj chila ipa xalax wi i ya chupam i nim laj ab'aj chi xkiya pub'i Meriba, chila ipa xkikoj wi uch'ojil kiya' aj Israel che i Ajwal; rumali i Ajwal xuk'ut u'ij uchomal chkiwach.