Salmos 26:12 - Wuj Pa K'ubultzij

¹² I waqan lik ko tak'al chwach ulew; ¡Kinkoj ni u'ij i Ajwal chkiwach utinimit!

Salmos 26:12 Referans Kwoze

Salmos 27:11

Ajwal, chak'utu ab'e chwe, chinawok'aj che i utz laj b'e kumal i je ajch'oj chwij.

Salmos 111:1

¡K'amori che i Dios! Kinb'ixaj ni Ajwal Dios ru' ronojel ink'ux, pa molb'al ib' ke uk'iyal winaq chi suk'ul kik'ux.

Salmos 40:2

Xinresaj chupam i jul re i kamik, xuya ti chwe chi xinmuqtaj b'i chupam i ak'al, xinutak'b'a puwi jun ab'aj, xuya ukowil inb'inik.

Proverbios 10:9

Jun we nti umak, lik nti kuna rij, xwiri i jun chi to' xaqmanal ku'ano, kuk'is ni pa utz taj.

1 Samuel 2:9

I Ajwal kuchajij kib'e ni'pa i kekojon che ire, xwiri itzel laj taq winaq kekam ni chupam i equmal man mijun kch'akanik, xwi ru' ucho'ab' ire.

Hebreos 2:12

Qeta'am ile man keje iri tz'ib'tal kan chupam uwuj i Dios: Katinlap ni chke wachalal chwach i Cristo, xaq kinb'ixaj a'ij chkiwach ni'pa i kimolom kib', kojb'al a'ij.

Salmos 122:4

Chila pa Jerusalén le kek'un wi utzob'ajil i Ajwal, re kkib'ixaj ub'i, chrij pacha i taqanik yatal chke aj Israel.

Salmos 107:32

¡Chikojo u'ij chkiwach i winaq pa tinimit! ¡Chib'ixaj u'ij pa molb'al ib' ke i rijab' re i jutzob'aj re i Dios!

Salmos 26:7

xaq kwaj kinb'ixaj i b'ix xaq kinb'ij i lo'laj a'ij achomal.

Salmos 68:27

Chkiwach ike nab'e b'i ma Benjamín chi cha'xel je rachi'ilam k'iyal taq aj-atzil ke aj Judá, aj Zabulón xaq aj Neftalí.