Salmos 21:1 - Wuj Pa K'ubultzij

¹ Ajwal, i ajawinel lik kkikotik man aya'om ucho'ab', ¡Lik kkikotik man xaya che chi xuch'ak i ch'oj!

Salmos 21:1 Referans Kwoze

Hebreos 12:2

Mqamayij uch'ob'ik i Jesús, man are ire xyaw ukub'ib'al qak'ux chuxeb'al loq, xaq are ire kyaw ni chqe chi kqariq na wach i qakub'am qak'ux che. I Jesús xutij uyej chwach i krus. I ukamsaxik le chi xki'an che, lik nim laj k'ixb'al che ire, xwiri, xuya rib' che, man reta'am we xik'aw che ile, te'uri nim laj kikotemal kutij na. Are x-antaj ile, x-ekub'i puwiqab'im i ukub'ib'al i Dios chi o u'ij.

Mateo 2:2

Are xeupon pa Jerusalén, xkitz'onoj chke i winaq: —¿Ipa o wi i nim laj ajawinel ke i aj Israel winaq chi xalaxik? Ya xqil uch'umil are oj o chila prelb'al ij, rumali xojk'un chukojik u'ij —xkib'ij.

Salmos 62:7

Intotajik xaq uya'ik in-ij lik are i Dios kilawik wach ku'an chwe; are Ire kintowik xaq are Ire k'ijib'al ipa kinto wi wib'.

Salmos 28:7

I Ajwal are i nim laj tob'al wib'; che Ire xinkub'a wi ink'ux xaq Ire xinuto; i wanima lik kkikotik; kinb'ixaj na xaq kintioxij ni che i Ajwal.

Salmos 2:6

“Lik inkojom chik ajawinel we Yin puwi i Sion chi are i lo'laj jyub' we Yin.”

Salmos 99:4

Yet at jun Ajawinel nim acho'ab' chi k'ax kana i atb'al tzij suk'ulik; Lik Yet xa'an i junamsanik, lik xa'an i suk'ulik xaq xa'an pacha kmajaw che i ma Jacob.

Salmos 95:1

Chixpetoq, chqab'ixaj i Ajwal ru' kikotemal; chqab'ixaj man are Ire kojuchajij, xaq are Ire tol qe.

Salmos 71:17

Wajwal Dios, yet ak'utum chwe are k'a in ak'al k'a are o wi wo'or, xaq k'a kintijin chutzijoxik i nimaq taq anik chi a'anom.

Salmos 63:11

Xwiri i ajawinel kkikot ni rumal i Dios; konojel ni'pa lik kkib'ij pub'i Ire, lik kkib'ixaj ni b'ix, xwiri ni'pa ket'oronik ktz'apix ni kichi' chke.

Salmos 20:9

¡Ajwal Dios, chaya ni ch'akanik che i ajawinel! ¡Chala'a uwach chqe are katqasik'ij!