Salmos 146:3 - Wuj Pa K'ubultzij

³ Mikub'a ik'ux che i winaq chi lik o u'ij, man jun to' winaq lik kuya ti totajik.

Salmos 146:3 Referans Kwoze

ISAÍAS 2:22

Chimayij ukub'axik ik'ux chke i winaq, man lik nti pich' ki'ij. I uk'aslemal i winaq lik xa jun jek'aj uxlab'.

Salmos 108:12

Chojato chkiwach i ajch'oj chqij, man i tob'al chi kkiya i winaq lik nti uchak.

ISAÍAS 37:6

Are uri ma Isaías xutz'onoj utzil chke chi kb'ix pan che i rajaw uchak: I Ajwal kub'ij: “Maxij awib' che i utz ti laj taq tzij chi xkib'ij i ajpatanib' re i ajawinel aj Asiria chwij yin.

ISAÍAS 31:3

I je aj Egipto xa je winaq, je dios taj; kikaway xa je ti'ij, je tewal taj. I Ajwal kuji ni u'ab' chuya'ik utojb'alil chke. Are uri ni'pa i ketonik xaq i je totalik kesach na, konojel kesach ni junam.

Salmos 62:9

Jun winaq lik keje pacha i tew, nti k-ono we nib'a' xaq we b'eyom; man we kepaj chekeb' chupam jun pexu, lik nti ne kalil chwach lik nti olik.

Salmos 60:11

Chojato chwach i je ajch'oj chqij, man lik nti uchak utob'al jun winaq chqe.

2 Reyes 6:27

I ajawinel xub'ij che: —We katuto ti Ajwal ¿Wach taq ato'ik uri kin-an yin? ¿Kintiki taq uri yin chuya'ik a-trigo xaq i uwa'al uva muqb'am?

SEGUNDO LIBRO DE CR%D3NICAS 16:7

Che taq i ij le i profeta, chi ma Hanani, x-e chusolixik ma Asa, chi ajawinel re i tinimit Judá, xub'ij che: “Wo'or kattiki ti chu'anik ch'oj chkij i achiyab' chi je yij che i ch'oj re i ajawinel aj Siria, man xakub'a ti ak'ux che i Ajwal chi a-Dios, xa che i ajawinel aj Siria xakub'a wi ak'ux.

ISAÍAS 22:25

Che taq i ij le i klawux chi kojtal puk'ijib'al, kb'oqtaj na xaq ktzaq na, xaq ronojel ni'pa i b'iroxik chi tzayb'am te'eq che, ketzaq na loq xaq kepax na. Keje ile kub'ij i Ajwal chi ronojel ktiki che.