Salmos 13:5 - Wuj Pa K'ubultzij

⁵ Yin inkub'am ink'ux che i k'axnab'al ak'ux; wanima lik kkikotik man yet kinato.

Salmos 13:5 Referans Kwoze

Júdas 1:21

Chix-ol che i k'axnab'al uk'ux i Dios, tz'aqat kiwoy-ej i k'aslemal chi nti uk'isik; i k'aslemal le, kuya ni Qajwal Jesucristo chqe man lik k'ax kojuna'o.

ISAÍAS 12:2

I Dios are kintowik, rumali kul ink'ux xaq kinxij ti wib'. I Ajwal are tob'al wib' xaq are incho'ab', are Ire tol we.”

Salmos 52:8

Xwiri yin in keje pacha taq jun rax che' olivo prachoch i Dios; ¡Arewi kinkub'a ni ink'ux che i k'axnab'al uk'ux!

Salmos 9:14

Man keje ile, chila xol taq uchija re i tinimit Jerusalén, kinb'ij ni chke konojel i winaq re uwach i jyub' ta'aj, chi yet lik kmajaw chawe koksax a'ij ru' b'ix, xaq yin lik kinkikotik man xinato.

Salmos 119:81

Lik kosnaq chik wanima chroy-exik i atonik, xwiri inya'om ink'ux che atzij.

Salmos 36:7

¡Lik chom i k'axnab'al ak'ux, Ajwal Dios! ¡Konojel ni'pa i winaq kkitzukuj kitob'al chuxe' axik'!

Salmos 33:18

Xwiri i Ajwal arewi keuchajij ni'pa i kkikoj u'ij, xaq ni'pa i kiya'om kik'ux che i k'axnab'al uk'ux.

Salmos 32:10

I itzel laj taq winaq lik nim ni k'ax kpe pkiwi; xwiri i k'axnab'al uk'ux i Dios keupasij ni ni'pa i kiya'om kik'ux che Ire.

Lucas 1:47

I wanima yin lik kkikot rumal i Dios Tol we.

Salmos 147:11

Ire kkikot ku' i winaq chi kkikoj u'ij, ni'pa kkikub'a kik'ux che i k'axnab'al uk'ux Ire.

Salmos 51:12

Chaya chik i kikotemal chwe re atob'al, xaq chinawok'aj ni ru' i rutzil ak'ux,

1 Samuel 2:1

Are uri ati Ana xlapan ru' i Ajwal, xutioxij che ru' i tziji: Lik kkikot ink'ux awumal, man yet kaya incho'ab' k'ak'. Kintiki chkich'ach'axik i ajch'oj chwij man xinato. ¡Lik kinkikotik!

Lucas 2:20

I je ajyu'ul chij xetzalij chik ipa i je petnaq wi. Are xe'ek, ketijin chukojik u'ij i Dios; xkib'ij chi lik nim u'ij rumal ronojel i kitom xaq i kilom. Xe'eloq lik qatzij pacha xb'ix chke.

Salmos 25:2

Wajwal Dios, chawe yet kinkub'a wi ink'ux, maya chwe chi kintzaq chupam i k'ixb'alil xaq minkitze'ej i je ajch'oj chwij.

Salmos 38:17

Lik kinna yin kinkamik, man ni'pa uk'axk'ol i k'ax chwe, lik kuxlan ti jub'i'.