Salmos 118:6 - Wuj Pa K'ubultzij

⁶ I Ajwal o wu' yin, rumali kinxij ti wib'; ¿Wach uri ku'an i winaq chwe?

Salmos 118:6 Referans Kwoze

Hebreos 13:6

Rumali, chi lik ru' ukub'ib'al qak'ux chqab'ij i tziji chi tz'ib'talik: Are i Ajwal are i kintowik; kinxij ti wib' wach wa ktiki jun winaq chu'anik chwe.

Romanos 8:31

¿Wach chik mas kqab'ij ut? We i Dios kojrok'aj, ¿Mijun uri ktiki chqatzaqsaxik?

Salmos 56:4

Kinkub'a ink'ux che i Dios xaq kinb'ixaj utzij; kinkub'a ink'ux che i Dios xaq lik kinxij ti wib'. ¿Wach taq ku'an uri i winaq chwe?

Salmos 56:11

kinkub'a ink'ux che i Dios, lik kinxij ti wib'. ¿Wach taq ku'an uri i winaq chwe?

Salmos 56:9

I je ajch'oj chwij ke'anmaj na are kintz'onoj intob'al chawe. Yin lik weta'am chi i Dios lik uya'om uwach wu'.

JEREMÍAS 20:11

Xwiri yet, Ajwal, at o wu' yin, pacha jun aj-anol ch'oj chi k-an ti tikilem che; ni'pa i kinkiterb'ej ketzaq na, xaq ketiki ti chuqajsaxik in-ij; ke'el ti utz ru' wach kkaj u'anik, ketzaq ni chupam i k'ixb'alil, lik kqajsax ni ki'ij ronojel ij saq chi lik ksach taj.

ISAÍAS 51:12

Lik yin kinyaw ukowil ak'ux. ¿Pachin taq wa kaxij awib' che? ¿Chke i winaq? ¿Chke i winaq chi xa kekamik, chi xa je keje pacha i es?

Salmos 23:4

Tupu kinb'in che i b'e re i kamik, lik nti kinxij wib' che, man Yet, Ajwal, lik at o wu'; i ache' kinrok'aj xaq i ach'amiy kuya ukub'ib'al ink'ux,

Salmos 46:11

¡I Ajwal chi ronojel ktiki che lik o qu' yoj! ¡I u-Dios ma Jacob are tol qe!

Salmos 146:5

Utz re i jun chi ktotaj rumal u-Dios ma Jacob, chi o ukub'ib'al uk'ux che i Rajwal Dios.

Salmos 46:1

I Dios are tol qe xaq are qacho'ab'; are Ire kojtowik are oj o pa k'ax.

1 Samuel 17:11

I ma Saúl xaq konojel aj Israel are xkita utzij ma Goliat, lik xqaj kik'ux xaq xpe jun nim laj xib'rikil chke.

1 Samuel 17:37

I Ajwal chi in utom pu'ab' i koj xaq pu'ab' i yum, xaq keje into'ik ile ku'an pu'ab' i aj Filistea le. Are uri ma Saúl xub'ij che: —Jati', chatuto ni uri i Ajwal.

Salmos 56:5

Ronojel ij kki'an k'ax chwe ru' i tzij; lik xwi i utz taj kkich'ob' u'anik chwe.

Salmos 56:10

Kinkub'a ink'ux che i Dios, xaq kinb'ixaj utzij; kinkub'a ink'ux che i Ajwal, xaq kinb'ixaj utzij;

Salmos 56:12

Ni'pa i sujunik chi xin-an chawe, Ajwal Dios, lik kinya ni chawe ru' ub'ixaxik a'ij,

Salmos 94:16

¿Pachin kinuto chu'anik ch'oj chkij i itzel laj taq winaq chi xaq ajkamsanel tob'al we yin?

Salmos 112:8

I uk'ux lik jikilik, kuxij ti rib' xaq lik keuyo'ya i ajch'oj chrij.