Salmos 102:16 - Wuj Pa K'ubultzij

¹⁶ are i Ajwal kuyijb'a chik i tinimit Sion, xaq kuk'ut ni rib' ru' u'ij uchomal,

Salmos 102:16 Referans Kwoze

JEREMÍAS 33:7

Kin-an ni chke chi ketzalij chal ni'pa aj Judá xaq aj Israel, chi je k'amtal b'ik xaq kin-an chik chke pacha in-anom chke ujer.

Salmos 147:2

I Ajwal, kuyak chik i tinimit Jerusalén, xaq kumol kichi' konojel aj Israel chi to' je kichernaq b'ik.

Miqueas 2:9

K'a chupam li kachoch ipa lik utz te'eq je jeqel wi kekik'aq li i ixoqib', xaq kkesaj ki'ij i kak'al ronojel ij saq chi Yin inya'om chke.

JEREMÍAS 31:4

Katinyak chik, Israel. Xaq kixk'un tan chik ru' i chilchil, lik kixxajaw ru' i kikotemal.

ISAÍAS 61:3

Chuya'ik jun kikoron ni'pa keb'ison pa tinimit Sion puk'exel i chaj, kunb'al muy re kikotemal puk'exel o'ej, ub'ixaxik i b'ix puk'exel i ub'a'krijik k'uxij. Kya' ni pkib'i “b'aqit chi lik kech'akan che i ch'oj”, chi je tiktal rumal i Ajwal k'utb'al re u'ij uchomal.

ISAÍAS 60:7

Konojel ni'pa i kichikop aj Cedar ke'on ni awe yet, ni'pa i ti'ojib' taq chij ke aj Nebaiot ke'ax ni pa'ab' re kasujuj puwi i sujb'al sipon re i Ajwal, pacha jun sipon re umuyal uk'ok'al xaq Ire ku'an na chi lik mas k-on chom i chom laj rachoch.

ISAÍAS 14:26

Are inch'ob'om u'anik iri chwach ronojel ulew. In-ab' kuch'ach'a kikamsaxik konojel i nimaq taq tinimit.”

Salmos 97:6

I kaj kusaqij ni suk'ulik chi ku'ano, xaq konojel i tinimit kkil ni u'ij uchomal.

Salmos 69:35

Man i Dios kuto ni i Sion, xaq kuyijb'a chik i jalajuj taq tinimit re i Judá, chila kejeqi wi xaq kkanaj ni ulew pki'ab'. I kimuq kixikin i rajchak kya' ni kan ulew chke re kuxtab'al, xaq ni'pa k'ax kkina ub'i i Dios kejeqi ni chwach.

Salmos 51:18

Cha'ana i utz che i tinimit Sion, rumal i rutzil ak'ux; lik chawalijsaj chik i tapial nim uwach chrij i tinimit Jerusalén.

ISAÍAS 59:19

Konojel i winaq chwach i jyub' ta'aj, kjeqan li prelb'al ij k'a puqajb'al ij, kkiya ni u'ij i Ajwal are kkil u'ij uchomal man Ire kk'un na pacha uk'unik jun raqana nim, yintal rumal ucho'ab' jun nim laj tew.

ISAÍAS 60:3

I nimaq taq tinimit kek'un che i saq awe yet, i ajawinelab' kek'un ni ru' awalch'inik re i asaqirb'al.

MALAQUÍAS 1:14

¡Lik chk'oqox ni ajt'oronel chi kub'ij chi kusujuj jun chikop chwe chi lik nti k'ax che, xwiri are kuporoj i sipon, xa are i chikop chi o k'ax che are kusujuj chwe! Yin in are i nim laj Ajawinel, i konojel i winaq pa taq tinimit kkiyak in-ij.” Iri kub'ij i Ajwal chi ronojel ktiki che.