Salmos 10:1 - Wuj Pa K'ubultzij

¹ Ajwal, ¿B'uchak lik naj at o wi chwe? ¿B'uchak kawuwaj awib' pu'ijlal i k'ax?

Salmos 10:1 Referans Kwoze

Salmos 22:1

Wajwal Dios, Wajwal Dios, ¿B'uchak xinawo'taj? ¿B'uchak katk'un ti chinto'ik? ¿B'uchak kakoj ti retalil i wo'ej?

Salmos 27:9

¡Mawuwaj awib' chinwach! ¡Minaxutuj ru' awoywal! Man xwi yet kinato, lik minaya kan intukel, man yet at in-Dios xaq at tol we.

JEREMÍAS 14:8

Yet chi lik at roy-exik kik'ux aj Israel, at tol qe che taq i ij are oj o pa k'ax, ¿B'uchak ka'an che awib' pacha taq at aj naj che i nim laj tinimit, pacha taq jun ajb'inel chi xa jun a'ab' ku'an b'i qu'?

Salmos 88:14

¿B'uchak kinaxutuj Ajwal? ¿B'uchak kawuwaj awib' chinwach?

Salmos 46:1

I Dios are tol qe xaq are qacho'ab'; are Ire kojtowik are oj o pa k'ax.

Salmos 44:24

¿B'uchak kawuwaj awib'? ¿B'uchak kojsach chak'ux, kawilo chi lik kqatij uyej?

Salmos 30:7

Xwiri Yet Ajwal, rumal i rutzil ak'ux lik xakub'a ink'ijib'al pacha jun nim laj jyub'; xwiri, are xawaj ti into'ik, xpe jun nim laj inxib'rikil chi lik xusach innojb'al.

Job 13:24

¿B'uchak kawuwaj awib' chinwach? ¿B'uchak ka'an chwe chi pacha taq in ajch'oj chawij?

Job 34:29

Xwiri, i Dios we kraj ti kch'awik ¿Pachin wa ktiki chu'anik che chi lik kch'awik? We kruwaj upalaj ¿Pachin wa ktiki chrilik? Ire keuk'ak'alij i tinimit xaq i winaq chkijujunal

Job 23:9

Kin-e chila pa moxab', kwil taj; kinmaj chub'i inb'e pa wiqab' xaq nti o kwil uwach.

Salmos 44:25

Lik oj kosnaq chik xaq kiqajsam qa'ij chqe, to' kqajukekej chik qib' pa taq ulew.

JEREMÍAS 14:9

¿B'uchak a'anom che awib' pacha jun winaq chi sachnaq unojb'al, pacha jun aj-anol ch'oj chi kton ti chu'anik ch'oj? Xwiri, Ajwal, yet at o chqaxol yoj, konojel i winaq keta'am chi yoj oj atinimit, ¡Mojawo'taj!