Rut 4:11 - Wuj Pa K'ubultzij

¹¹ I je unimaqil re i tinimit xaq konojel ni'pa je o chila xkib'ij: —Qatzij, xqilo xaq xqata. I ixoq le chi kok chi awachoch i Ajwal chu'ana ni che pacha ati Raquel xaq ati Lea, chi junam xojkiwinaqirsaj yoj chi oj aj Israel, xaq chu'ana ni chawe yet chi lik nim a'ij pa Efrata, chi xaq lik ketamax ni awach pa Belén.

Rut 4:11 Referans Kwoze

GÉNESIS 29:32

Rumali chi xk'aqtaj ati Lea, xalax jun ralab' chi xuya pub'i a Rubén, man xub'ij: “I Ajwal rilom i b'is chi xinik'aw wi, rumali wo'or lik k'ax kinuna ni wachijil.” Xcha.

Mateo 2:6

Yet tinimit Belén, at ukwenta i jyub' Judá, mach'ob'o moq nti a'ij chkixol i nimaq taq tinimit re ulew le; lik o ni a'ij, man chkixol awak'al kalax ni jun nim laj ajk'amb'eyal; are ire kok'aw ni utzam chke inwinaq, aj Israel.

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

Salmos 132:6

Chila pa Efrata, xqata utzijoxik i kaxa re utrat i Dios, are uri xeqariqa che ulew Jaar.

Deuteronomio 25:9

are uri i rixnam le ktejeb' ni pan ru' lik chkiwach konojel unimaqil i tinimit kresaj ni jun uxajab' che, kuchub'aj ni upalaj xaq kub'ij ni che: “Keje iri k-an che i achi chi kraj ti kuya rak'al i etz rachalal ru' kan i rixoqil.”

GÉNESIS 24:60

Are uri xkitz'onoj b'i utzil chomal puwi al Rebeca ru' i tziji: Lo'laj qanab' lik je k'i awak'al chealax na, xaq ke'ajawin ni pkiwi ajch'oj chkij. Xecha.

Proverbios 14:1

Jun ixoq chi o uno'oj kuyak i rachoch; xwiri jun b'uy laj ixoq lik xa kuwulijsaj.

GÉNESIS 23:10

I ma Efrón le chi aj Het, o chila chkixol uwinaq, xub'ij che mam Abraham chkiwach konojel i winaq chi je o chila xaq chkiwach konojel ni'pa ktijin kik'awik che uchib'e re i tinimit le,

GÉNESIS 29:25

Are xsaqir che ukab' ij, i ma Jacob te'uri xrilo chi xa are al Lea xwar kan ru', are uri xub'ij che ma Labán: —¿Wach usuk' xa'an chwe le? ¿Xatab'a rumal ti al Raquel xinchakun awu'? ¿B'uchak chi xinat'oro? —Xcha.

Proverbios 31:23

I rachijil lik etamam uwach pa tinimit, man xaq lik etamam uwach chkixol ni'pa o ki'ij pa tinimit.

GÉNESIS 29:16

I ma Labán je o keb' umi'al: Ub'i i atz al Lea, i cha'xel al Raquel.

GÉNESIS 35:23

I nab'e rak'al ru' ati Lea are a Rubén, te'uri a Simeón, a Leví, a Judá, a Isacar xaq i a Zabulón.

GÉNESIS 35:24

I rak'al ru' ati Raquel je are: A José xaq i a Benjamín.

Deuteronomio 25:7

Xwiri i recham we kraj ti kk'uli ru' i rixnam, i rixnam le k-e uri pa atb'al tzij, kub'ij chke unimaqil i tinimit: “I wecham kraj ire chi ksach ni uwach ub'i etz wachijil chkixol aj Israel, man kraj ti kk'uli wu'.”

1 Reyes 21:8

Are uri i ati Jezabel juntir xutz'ib'aj jalajuj taq wuj pub'i ma Acab xaq xukoj b'i uretal i ajawinel che; te'uri xutaq b'i chke i je uwi ujolom, xaq chke i je aj-atzil chi je o pa tinimit ipa o wi ma Nabot.

PRIMER LIBRO DE CR%D3NICAS 2:51

ma Salma, chi uqajaw ma Belén, xaq ma Haref chi uqajaw ma Bet-gader.