Proverbios 7:8 - Wuj Pa K'ubultzij

⁸ Are xupon che uxol b'e, i ala le xu'axuj uwach i b'e are xumaj b'i i b'e chi k-e chi rachoch i utz ti laj ixoq le.

Proverbios 7:8 Referans Kwoze

Júdas 1:23

Cheito, cheijek'a, man ke'e ti pa a'. Xaq je o jujun chi o uchak chiwila tob'al kiwach, xwiri chi'ana kwent chke, moqxa kixkikitzij ni yix; tzel chiwila ni kimak chi ketijin chu'ankil.

2 Timotéo 2:22

Chajek'a awib' chu'ankil i utz taj, ma'an awe pacha taq kki'an i alab'om chi to' xaqmanal kkich'ob'o. Chaya awib' chu'ankil i suk'ulik; chakub'a ak'ux che i Ajwal, k'ax cheana i qachalal; chatzukuj i utz olem. Cha'ana ronojel ile junam ku' i kkikoj u'ij i Ajwal.

1 Corintios 6:18

Mi'an i ch'am taj ru' ich'akul; ch'akb'al taq imer chwach, chijek'a iwib' che ile. I jub'an chik makunik chi ki'ano, nti re ich'akul che. Xwiri we xixmakun ru' ich'akul, ke'eloq chi lik ch'am ti chik ich'akul le.

Proverbios 7:12

Kperkat pa taq b'e, pa taq k'ijib'al ipa kkimol wi kib' i winaq re i tinimit xaq xol taq b'e, roy-em pachin kik'aw nab'e re kut'or b'ik.

Proverbios 5:8

Chajek'a awib' ru' i utz ti laj ixoq, mitene ka'ana taq jutak' chi rachoch,

Jueces 16:1

Xuk'ulmaj jun ij i a Sansón x-e pa tinimit Gaza, chila xril wi uwach jun ixoq chi chwach uch'akul kuch'ak wi umer, are uri xok ru' chi rachoch xaq xwar kan jun a'ab' ru'.

Proverbios 7:27

We kamaj b'i b'e chi k-e chi rachoch ixoq le, ke'eloq pacha kamaj b'i b'e chi k-e pa kamik.