Proverbios 6:26 - Wuj Pa K'ubultzij

²⁶ Man ixoq chi chwach uch'akul kuch'ak wi umer, ku'an ile xa rumal ch'akb'al ch'aqap uwa, xwiri ixoq chi kumin rib' ru' jun chik achi xa are kraj utzaqsaxik.

Proverbios 6:26 Referans Kwoze

Lucas 15:30

Xwiri are xk'un i awak'ali chi to' xusach uwach ub'itaq awe ku' ixoqib' chi kkich'ak i kimer chwach i kich'akul, yet xa taq ukamsaxik i me' chi lik ti'oj, xa rumal ire.

Proverbios 29:3

I alk'uwalxel chi o uno'oj kukikotsaj uqajaw; xwiri i jun chi kumin rib' ku' ixoqib' chi chwach kich'akul kkich'ak wi kimer ile xa ku'an k'ax che umer.

1 Samuel 2:36

Are uri konojel ni'pa kek'asi ni kan chke awalk'uwal, kek'un na xaq kexuki ni chwach rumal jun saqpwaq xaq we rumal ch'aqap wa; xaq kkitz'onoj ni kichak chkixol i ajsujul sipon re ch'akb'al re wach kkitijo.”

Ezequiel 13:18

xaq chab'ij chke: Iri are kub'ij i Ajwal: ¡To' iwach yix chi kit'is i b'iroxik re taq i nanik man konojel i winaq re chwach i jyub' ta'aj kkikoj chuqul ki'ab', xaq ki'an k'ul re kkikoj che kijolom re k'amb'al wachij xaq ru' ile kiwaj kichapik i winaq! ¿Kich'ob' yix moq o pi'ab' uch'ob'ik i kik'aslemal xaq kikamik intinimit, chrij pacha i kiwaj yix?

Ezequiel 13:8

Rumali, Yin in Ajwal, kinb'ij: Man yix kib'ij i b'iroxik chi qatzij taj xaq ni'pa kiwil piwach xa t'oronik, rumali Yin kin-an ch'oj iwu' yix. Yin in Ajwal, kinb'ij.

Proverbios 29:8

I ajch'ojinel laj taq winaq kkich'ujersaj i winaq pa tinimit; xwiri i o kinojb'al keta'am uqajsaxik koywal i winaq.

Proverbios 7:23

xaq lik k'a kpir ni upam i ranima che ru' ch'ab', pacha jun tz'ikin chi utukel kumin rib' chupam i tzaqsab'al re, reta'am taj chi lik xa kukamsaj rib' utukel.

Proverbios 5:10

Man keje ile kutzuq ti rib' i winaq chi aweta'am ti uwach che acho'ab', xaq mitene che taq uwach achak.

GÉNESIS 39:14

xeusik' la ajchakib' chi kechakun chila ru' ja, xub'ij chke: —Chiwila pe', i achi aj Hebreo chi xukoj li wachijil pqachoch xa xoluqajsaj qa'ij, xok li wu' pa ja lik xraj xumin rib' wu', xwiri yin ko xinsik'inik.

Proverbios 5:9

man keje ile kaya ti acho'ab' che jun chik, xaq mitene ajunab' kaya taq che i utz ti laj winaq;

Proverbios 6:27

Jun we kukoj i a' chwach uk'ux, lik qatzij kk'at uri u'u'.

Proverbios 23:28

xaq ixoq le keje pacha jun ili'om chi kk'ak'alinik, xaq ku'an ni chke achiyab' chi ketzaq ni chupam i mak atzalal.

GÉNESIS 39:7

X-on panoq i rixoqil ma Potifar chi rajaw uchak lik qus xril a José, rumali xel uchi' che, xub'ij: —Kwaj yin kamin awib' wu' —xcha.