Proverbios 30:7 - Wuj Pa K'ubultzij

⁷ Xa keb' b'iroxik intz'onom chawe, Ajwal Dios; chaya ni chwe chuxe'el inkamik.

Proverbios 30:7 Referans Kwoze

Lucas 10:42

Xwiri xa jun b'iroxik o uchak ka'ano, ile are pacha ktijin i ati Mariy chu'anik. Ire lik ucha'om ni utz chawach yet, xaq mijun kmajaw che.

Salmos 27:4

Xa jun b'iroxik chi intz'onom che i Ajwal, xa jun b'iroxik kurayij ink'ux: Are i k'ijilem prachoch i Ajwal ronojel ij re ink'aslemal, kojb'al re u'ij prachoch xaq kinb'ij ni'pa u'ij uchomal.

2 Reyes 2:9

Are je o chik ch'aqap, ma Elías xub'ij che ma Eliseo: —Chab'ij chwe wach utzil kawaj chi kin-an chawe wo'or, chi k'a oj o junam. Ma Eliseo xub'ij: —Kwaj yin kaya kan kamul ucho'ab' atewal pinwi.

Salmos 21:2

Aya'om che wach urayijb'al uk'ux; xaq ronojel ni'pa utz'onom chawe lik axuyam ti che;

Proverbios 30:6

Maya uwi utzij i Ajwal pacha ub'im Ire, man we kaya uwi, katuyaj na xaq kub'ij ni chawe chi at t'oronel.

Proverbios 30:8

Chawesaj ni'pa nti usuk' xaq ni'pa i t'oronik chwe; xaq lik ma'an b'eyom chwe, xaq mitene kin-on taq nib'a', xwi chaya i rajwaxik chwe re kintijo.