Proverbios 29:2 - Wuj Pa K'ubultzij

² Are kek'iyar i je utz laj taq winaq i tinimit kkikot na; xwiri are ku'at tzij i utz ti laj winaq lik kkitij ni uyej i winaq.

Proverbios 29:2 Referans Kwoze

Proverbios 28:12

I utz laj taq winaq are kech'akanik, k-an jun nim laj nima'ij chke; xwiri are kech'akan i je utz ti laj taq winaq, konojel i winaq kkuwaj kib'.

Proverbios 11:10

I utz laj taq winaq are ke'el chisaq, kkikot i tinimit, are kekam i utz ti laj taq winaq lik kesak'lin ni winaq chikaj rumal kkikotemal.

Proverbios 28:28

Are kech'akan i utz ti laj taq winaq, konojel i winaq kkuwaj ni kib', xwiri are kekamik kek'iyar ni i je utz.

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

ECLESIASTÉS 10:5

Wilom u'anik jun utz taj chi k-ani chwach i jyub' ta'aj, i uxeb'al ile petnaq ku' i je atol tzij:

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Ester 3:15

I ajjachol wuj le lik juntir xkijacho man keje utaqanik i ajawinel ile, i taqanik le xya' retamaxik chila pa tinimit Susa. Tz'aqat i ajawinel xaq ma Amán ketijin che ab'arik, konojel i winaq pa tinimit Susa keb'isonik.

Mateo 2:16

I mam Herodes, are xunab'ej chi xt'or kan kumal i nimaq kino'oj, lik xpe roywal chke. Rumal uri, xutaq kikamsaxik konojel i ral taq alab'om chi k'amaja kkichap keb' junab', chi je jeqel pa tinimit Belén, xaq che ronojel i jyub' chrij chwach. Keje ile chrij pacha i ij chi xkib'ij i nimaq kino'oj.

Mateo 2:3

I nim laj ajawinel, mam Herodes, are xuta utzijol ile, lik xk'achir rumal; xaq konojel i winaq pa tinimit Jerusalén xek'achir rumal.

Job 34:30

man keje ile krajawin ti jun utz ti laj winaq puwi utinimit xaq keut'or taj.

Proverbios 28:15

Jun utz ti laj winaq chi krajawin puwi jun tinimit nib'a', keje pacha jun koj chi ksik'inik, xaq pacha jun k'an laj ma yum.

ECLESIASTÉS 10:6

Chi jun b'uy laj winaq kya' jun nim laj patan chuqul, xwiri i winaq chi lik utz xa are kya' jun patan che chi nti qas u'ij.

ECLESIASTÉS 4:1

Te'uri xintaqej wach uya'ik uyej k-ani chke i winaq chwach i jyub' ta'aji. Are uri xwilo chi ni'pa je yatal puyej lik ke'o'ik, xwiri nti jun kkub'saw kik'ux, i ke'anaw k'ax chke lik xaqmanal kki'an chke xwiri nti jun kkub'saw kik'ux.