Proverbios 28:1 - Wuj Pa K'ubultzij

¹ I utz ti laj winaq k-anmajik tupu mijun koqtawik; xwiri i utz laj taq winaq lik kul kik'ux pacha jun koj.

Proverbios 28:1 Referans Kwoze

Deuteronomio 28:7

I Ajwal keujach ni pa'ab' i ajch'oj chawij are kkaj u'anik k'ax chawe. Lik ketusus na are ke'e chawij, xwiri lik to' kichkich chik ki'anom are ke'anmaj ni pa'ab' yet.

Salmos 53:5

Tupu nti puwi kkixij kib', xwiri ike lik keb'arb'at ni rumal kixib'rikil, man i Dios kukichersaj b'i kib'aqil ni'pa i je ajch'oj chrij. Lik ketzaq ni pa k'ixb'alil man i Dios keuxutuj.

Salmos 112:7

Ire lik kuxij ti rib' are kya' utzijol jun k'ulmaxik che chi lik utz taj, i uk'ux lik jikilik, man lik ukub'am uk'ux che i Ajwal Dios.

1 Tesalonicenses 2:2

Xaq iweta'am are k'amaja kojupon iwu' yix, lik k'ax xkib'ij chqe, xaq lik xojkiyo'ya chila pa tinimit Filipos. Xwiri, are xojupon iwu', i Dios xuya ukowil qak'ux chub'ixkil i utz laj utzij k'ak' chiwe, tupu je k'i xkitzukuj ch'oj chqij.

Hechos 4:13

I aj-atol tzij are xkilo chi ma Pedro xaq i ma Wan lik ko kiwach che i lapanik are uri xkinab'ej chi nti jun k'utunik yatal chke, chi xaq to' je winaq, are uri lik xkib'isoj xaq xqaj ki'ij man xkita ub'e chi ike le je utijoxelab' i Jesús.

Hechos 14:3

Xwiri i apostolab' xenajtin chila pa tinimit; lik ru' ukub'ib'al kik'ux che i Ajwal xkisaqij utzij i Dios, xaq i Ajwal lik kuk'utu chi lik saq laj tzij wach kkib'ij ike chrij i k'axnab'al uk'ux i Dios, man xu'an chke chi ketiki chu'anik i nimaq taq k'utb'al re xaq i nimaq taq il chkiwach i winaq.

JEREMÍAS 20:4

Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

2 Reyes 7:15

Are uri ike xeterej b'i chrij kaqanb'al aj Siria, k'a chila che i raqana Jordán. Are uri xkilo chi ronojel pa taq b'e k'aqtal kan k'ul xaq jalajuj taq b'iroxik chi kik'aqom kan aj Siria are xe'anmaj b'i pa'anem. Chrijil chik ile te'uri xetzalij li achiyab' le xekib'ij che i ajawinel ronojel ni'pa xkilo.

ISAÍAS 7:2

Che taq i ij le xk'am b'i utzijol che i ajawinel ma Acaz xaq chke i ralk'uwal: “I je aj Siria xkijunamsaj kiwach ru' ma Efraín.” Are uri i ajawinel xaq i tinimit xkitikb'a siksatik pacha kisiksatik i che' rumal i tew tzam taq jyub' are kjuk'uk'ik.

ÉXODO 11:8

Are uri konojel awajpatan kek'un ni wu', lik kexuki ni chub'ixkil i tziji chinwach: “Jat, xaq cheak'ama b'i konojel i winaq chi je teren chawij.” Are kkib'ij ile chwe te'uri kin-ek —xcha i ma Moisés che ma faraón. I ma Moisés le lik petnaq roywal are xel chwach ma faraón le.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

NEHEMÍAS 6:11

Xwiri yin xinb'ij che: “I achiyab' pacha yin ke'anmaj taj, xaq kkimina ti kib' prachoch i Dios re tob'al kib'. Yin kin-an ti ile.”

Proverbios 27:27

xaq chke achab'at atitab' k'i leche kelik re katijo tzuqb'al awib' yet, awalk'uwal xaq tzuqb'al ke ni'pa i kechakun awu'.

ISAÍAS 30:17

Lajujwinaq kamo' (1,000) ke'anmaj ni pu'ab' xa jun chi winaq rumal ub'im chi k-on k'ax chke, xaq iwonojel yix kix-anmaj ni pki'ab' je jo'ob' winaq, k'a kekanaj ni xa je keb' oxib' chik winaq, pacha ukanajik xa jun chik che' puwi jun nim laj jyub' xaq pacha uwalijik jun sib' re k'utb'al puwi jun jyub'.

1 Reyes 1:49

I winaq chi je usik'im ma Adonías lik xkijeq siksatik rumal kixib'rikil; are uri konojel xewalijik, chkijujunal xe'ek.

Job 15:21

Kuta jalajuj taq ch'awb'al chi kxib'taj rumal; xaq are lik utz olik, i ili'omab' kkel-aj b'i ub'itaq re.

Salmos 53:6

¡Lik utz te'eq wetene kpe i tob'al ke aj Israel chwi jyub' Sion! Are keuk'am chub'i utinimit i Ajwal pkik'ijib'al, lik kekikot ni umuq uxikin ma Jacob xaq konojel i tinimit Israel.

Proverbios 10:9

Jun we nti umak, lik nti kuna rij, xwiri i jun chi to' xaqmanal ku'ano, kuk'is ni pa utz taj.