8 majek' la taq b'i chwach i atb'al tzij, man moqxa jun chik ajsaqinel tzij kusaqij chi katt'oronik, te'uri yet pa k'isb'al re kariq ti chik wach ka'ano.
We o jun ukojom amak, xaq katuk'am b'i chwach i atb'al tzij, chichomaj iwib' chiwach, tz'aqat k'a ix o pa b'e. Keje chi'ana ile, man ire katuya ti chwach i atb'al tzij. Man we xatupon chila, i atb'al tzij katujach ni pki'ab' i ajchajal re i tinimit; te'uri i ajchajinel le katutz'apij prexil.
Ni'pa i kkitzijoj i profeta lik saqil laj t'oronik, i je ajsujul sipon to' keje u'anik kipatan kki'ano pacha urayijb'al kik'ux ike. ¡Xaq intinimit lik keje ile kkaj ike! Xwiri ¿Ipa nawi keik'isa wi pa k'isb'al re?
Are uri ma Abner xsik'in chub'ixkil che ma Joab: —¿Kamayij ti b'ari i kamsanik? ¿Kawil ti b'a ub'e, chi ronojel ni'pa ile xa b'is kuya chqe? ¿Junpa nawi kab'ij chke awinaq chi ke'uxlan chkoqtaxik i katz kicha'?