Proverbios 25:2 - Wuj Pa K'ubultzij

² I u'ij uchomal i Ajwal are ruwaxik jun b'iroxik; xwiri i ki'ij i ajawinelab' are usaqixik i b'iroxik chi uwam uwach.

Proverbios 25:2 Referans Kwoze

Deuteronomio 29:29

O i b'iroxik chi qeta'am taj: Ile xwi Qajwal Dios reta'am; xwiri o jalajuj taq b'iroxik chi saqim chqe yoj xaq chke i qak'al man arewi kqa'ano wach i kub'ij, ile are ronojel utzij upixab' xaq u'atb'al tzij i Ajwal.

Job 42:3

¿At pachin taq wa yet chi xa keb' ak'ux chukojik wach in taqom ub'ixkil chawe? Xatcha. Qatzij ile chi yin keje ile xinb'ij, man yin lik kinta ti ub'e ni'pa a'ij achomal.

Job 38:4

¿Ipa at o wi yet are xinkub'a i jyub' ta'aj? ¡Chab'ij chwe, we qatzij lik o aweta'am!

Job 29:16

in kiqajaw i jub'an chi o rajwaxik chke xaq in ajtonel ke i winaq aj naj!

Esdras 4:15

man ktzukux chupam wuj ke i ajawinelab' chi je ik'awnaq nab'e chawach yet, keje ile kawetamaj ni i tinimit le, lik itzel laj tinimit chke i ajawinelab' xaq chke i jub'an chik tinimit, man ike le kimolom chik kib' juyak chu'anik ch'oj chrij i ajawinel, rumali chi xchupsax kiwach.

Esdras 4:19

yin xintaq uk'amik upam, are uri xriqtajik chi i tinimit le ujer ki'anom ch'oj chkij i ajawinelab', lik kiyijb'am kib' xaq lik arewi kewalij chu'anik ch'oj.

Esdras 5:17

Wo'or ut, we kumaj awach, Nim laj Winaq, kqatz'onoj chawe chi chtzukux ni chupam i wuj ke i ajawinelab' aj Babilonia, chik'ama upam we qatzij chi are i ajawinel ma Ciro xtaqaw uyakik chik i rachoch i Dios le pa Jerusalén, xaq kab'ij ni chqe wach ach'ob'onik yet, Nim laj Winaq, chrij i chak le.

Esdras 6:1

Are uri i ajawinel ma Darío xutaq utzukuxik chupam i k'olb'al wuj ipa kk'ol wi i wuj chi lik nimaq uchak chila Babilonia

Proverbios 25:3

I kaj lik naj elnaq b'ik xaq i ulew naj qajnaq b'ik, xaq i kinojb'al i ajawinelab', ile lik k-an ti tikilem utayik ub'e.

Deuteronomio 29:28

Ru' nim laj roywal xeresaj b'i chupam kulew, xeutaq b'i che i jub'an chik tinimit pacha ktijin u'anik wo'or.”

2 Samuel 1:5

—¿Wach retamaxik xa'an yet che chi xkam ma Saúl xaq i uk'ojol chi ma Jonatán? Keje i tz'onb'enik ile xu'an ma David che i ala chi xeuya'a utzijol wach xk'ulmaxik.

2 Samuel 14:19

Are uri i ajawinel xub'ij: —Chab'ij chwe we are i ma Joab xatutaq li chub'ixkil ronojel ile. Are uri i ixoq xub'ij: —Lik pab'i yet, Nim laj Winaq, kinsaqij chi ile lik qatzij. I ma Joab, chi awajpatan yet, Nim laj Winaq, are ire xintaqaw li waral xaq are ire xb'iw li tzij le chwe.

Proverbios 25:27

Utz taj we k'i uwa'al kab' katijo, xaq lik nti a'ij ru' we kakoj taq a'ij atukel.

ECLESIASTÉS 1:13

xaq lik xinya wib' chutz'onoxik xaq chusolixik ru' no'oj, ronojel ni'pa k-ani chwach i jyub' ta'aji. ¡Lik al laj eqan uya'om i Dios pkiwi i winaq re qajsab'al ki'ij!