Proverbios 23:9 - Wuj Pa K'ubultzij

⁹ Mapixb'aj jun b'uy laj winaq, man xa kuyo'ya i chom laj nojb'al chi kaya che.

Proverbios 23:9 Referans Kwoze

Mateo 7:6

I b'iroxik chi o u'ij miya chke i tz'i man moqxa i tz'i le kkik'aq kib' chiwij xaq kixkiraxij. Xaq miya i chomiq taq iwuwaj chkiwach i aq, man moqxa ke'ok chuya'yaxik.

Proverbios 1:7

I uxeb'al i no'oj are ukojik u'ij i Ajwal. I je b'uy laj taq winaq kkixutuj i no'oj xaq i pixb'anik.

Juan 10:20

Lik je k'i chke i winaq xkib'ij: —¿B'uchak kixkojon che, xa o itzel tew che i xa ch'uj? —Xecha.

ISAÍAS 36:21

Ike lik xech'aw ti chik xaq mitjun tzij xkila' uwach, man i ajawinel utaqom ub'ixkil chke chi lik kkila' ti uwach.

Hechos 17:32

Are xkita ile chi ni'pa i kamnaq kewalij che i kamik, o jujun xeyo'yanik xaq o jub'an chik xkib'ij: —K'a te kqata ile chawe juyak tan chik.

Hechos 17:18

Xaq o jujun winaq chi o kino'oj aj Epicúreo xaq aj Estoico xe'ok chuchapik kib' che i tzij ru' ma Pablo. O jujun chke kkib'ij: —¿Wach taq kraj ub'ixkil i loxlox laj achi le? Xaq je o jub'an chik chi kkib'ij: —¡Kqil yoj xa ajb'il ke i jub'an chik dios aj naj! Ile xkib'ij che i ma Pablo rumal xusaqij chke ni'pa i utz laj tzij re i Jesús, chi xaq xwalij che i kamik.

Juan 8:52

Are uri aj Judío xkila' uwach che: —Wo'or lik kqakojo chi o itzel tew chawe. Man mam Abraham xaq konojel i profeta xekamik, ¿B'uchak uri kab'ij yet le chqe chi pachin jun kkojon che atzij lik kkam taj?

Lucas 16:14

Je o jujun aj fariseo ketijin chutayik utzij le. Ike xe'ok chuyo'yaxik wach i xub'ij, man i aj fariseo le qus kkil i mer.

Juan 9:40

Je o jujun aj fariseo chila, are xkita ile xkitz'onoj che i Jesús: —¿Xatab'a xaq oj mawach yoj? —Xecha.

Proverbios 14:7

Chajek'a awib' ru' i b'uy laj winaq, man nti jun utz laj no'oj kariq taq ru' ire le.