Proverbios 21:25 - Wuj Pa K'ubultzij

²⁵ I winaq chi kuk'ayo to' kkam taq che urayijb'al, man lik kraj ti chak.

Proverbios 21:25 Referans Kwoze

Proverbios 13:4

I jun chi kuk'ayo to' kurayij wach kutijo xwiri nti o ru', i jun chi kchakunik lik o ru' wach kraj kutijo.

Proverbios 12:24

I ajchak laj winaq kel ni chisaq xaq ktaqan na, xwiri i jun chi kuk'ayo xa are ire ktaq na.

Mateo 25:26

“Yet at utz ti laj mokom; lik kak'ayo.” Xub'ij i rajaw uchak che. “We yet aweta'am chi in k'an che inchak, chi kab'ij chi kinmolonik ipa kintikan ti wi, xaq kinmol uwach i tikon chi yin ti inmulim.

Proverbios 26:16

I winaq chi kuk'ayo kuch'ob' ire chi mas o uno'oj chkiwach wuqub' winaq chi kkiriq ula'ik uwach i tzij.

Proverbios 19:24

I winaq chi kuk'ayo kumin neri u'ab' pa laq, xwiri ktiki ti chuya'ik puchi' wach i kraj utijawik.

Proverbios 15:19

Che i jun chi lik kuk'ayo, i b'e lik nojnaq che i k'ix; xwiri che i suk'ul laj winaq, i b'e lik nim xaq lik chom.

Proverbios 12:27

Jun ajchapol ti' pa taq es we kuk'ayo, nti o kuchapo; xwiri i jun chi lik o uno'oj lik chom ub'eyomal kuriqo.

Proverbios 20:4

I winaq chi kuk'ayo kutuk ti uri uwach rulew pu'ijlal i tikanik; xwiri are kuriq u'ijlal i molonik, kutzukuj na xwiri nti kuriqo.

Proverbios 26:13

Jun chi kuk'ay chak kub'ij keje iri: Kin-e ti pa chak, man o jun koj pa b'e chi kraj inkamsaxik.

Proverbios 22:13

I jun chi kuk'ay chak keje iri kub'ij: “Kin-e ti pa chak, man o jun koj pa b'e i kraj inkamsaxik.”

JOSUÉ 7:3

Are xetzalij loq xkib'ij che ma Josué: “Rajwaxik taj ke'e konojel i winaq pa ch'oj. Ru' jo'mo' (2,000), lajujwinaq wuqmo' (3,000) achiyab' je yij che i ch'oj xqare k-ono kqak'amb'ej kan i tinimit, man je k'i ti winaq je o chila; rumali rajwaxik taj chi kekos konojel.”