Proverbios 21:11 - Wuj Pa K'ubultzij

¹¹ Are kch'ay i yo'yanel, i jun chi nti uno'oj knawik; xwiri i b'iw lik kuriq uno'oj ru' jek'anik.

Proverbios 21:11 Referans Kwoze

Proverbios 19:25

Are kch'ay i yo'yanel, i jun chi nti uno'oj knawik; xwiri i b'iw lik kuriq uno'oj ru' i jek'anik.

Proverbios 18:15

I winaq chi o kino'oj xaq je b'iw kkiriq ni uri i nojb'al chi kkitzukuj.

Proverbios 9:9

Chapixb'aj i o uno'oj man lik kk'iyar ni mas uno'oj; chak'utu usuk' che i utz laj winaq man kk'iyar ni wach i reta'am.

Hechos 5:5

I ma Ananías are xuta ile lik juntir xtzaq pulew i xkamik. I ni'pa i winaq chi xkita wach xk'ulmaxik le, lik xkixij kib'.

Proverbios 18:1

Jun chi xa ktitat upam kujek' rib' che i utz laj pixb'anik, xa urayijb'al ire uri kutzukuj;

Apocalipsis 11:13

Are uri juntir xpe jun nim laj kab'raqan; ni'pa i ja pa tinimit, xewulij lajuj unimal che i tinimit. Je lajujwinaq wuqlajujmo' (7,000) winaq xekam ni rumal i kab'raqan le. Ni'pa i winaq chi k'a xek'asi kanoq, lik xkixij ni kib'; te'uri lik xkikoj ni u'ij i Dios aj chikaj.

Proverbios 15:14

Jun b'iw laj winaq kutzukuj i nojb'al; xwiri i je b'uy laj taq winaq lik kki'an kiwa che i kib'uyil.

Proverbios 1:5

I jun chi lik o unojb'al xaq lik b'iw, lik kuta ni uri ub'e, xaq rumali kk'iyar ni unojb'al xaq retamaxik i utz xaq i utz taj

Deuteronomio 21:21

Are uri konojel i winaq re i tinimit kkikamsaj ni ru' ab'aj. Keje ile kkisach ni uwach i mak atzalal chi o pitinimit; are kketamaj konojel aj Israel, lik kkixij ni kib' chu'anik i utz taj.

Deuteronomio 13:11

Ru' i anik le konojel i winaq aj Israel kketamaj na xaq kkixij ni kib' chu'anik jun mak atzalal pacha ile.

NÚMEROS 16:34

Are xtatajik chi xesik'inik, are uri konojel aj Israel chi je o chkij chkiwach, pa'anem xe'anmajik xaq xkib'ij: “¡Mojub'i' b'i ulew junam ku' ike!” Xecha.

Proverbios 9:7

I jun chi ku'atij i ajyo'yanel xaq i utz ti laj winaq, xwi kuch'ak uri chi kyo'yaxik xaq kqajsax ni u'ij.