Proverbios 19:29 - Wuj Pa K'ubultzij

²⁹ Yij chik i tojpen chi kya' chke i ajyo'yanel, xaq lik yij chik i b'arejon re chel taq kij i je b'uy laj taq winaq.

Proverbios 19:29 Referans Kwoze

Proverbios 26:3

I kaway rajwaxik k-an manxo che, i axna rajwaxik kpek' na, i b'uy laj winaq rajwaxik kjik ulo'xik.

Proverbios 10:13

Puchi' i winaq chi o uno'oj o i nojb'al; xwiri i winaq chi nti uno'oj b'arejon uri re ub'aqil rij.

Proverbios 9:12

We o ano'oj lik chawe yet ni uri i utz, xwiri we kaqajsaj ki'ij awatz acha', lik kariq ni uri utojb'alil.

Hebreos 12:6

Man i Ajwal keusuk'b'a ni'pa i k'ax keuna'o; xaq kuya i tojb'alil pkiwi ni'pa i je rak'al chik.”

ISAÍAS 29:20

Kek'is ni i to' je aj-anol ch'oj, ksach ni kiwach ni'pa i kki'an nim che kib' xaq ksach ni kiwach ni'pa xwi kkich'ob' u'anik i utz taj,

ISAÍAS 28:22

Keje uri ile, ¡Mi'an chik i yo'yanik! Man moqxa kb'ajtaj mas i karena chi oknaq chiwe, man intom chi Ajwal chi ronojel ktiki che, ub'im chik usachik uwach ronojel i nim laj tinimit.

Proverbios 18:6

Ru' uchi' i b'uy laj winaq kupetsaj i ch'oj; xaq ru' utzij kutzukuj ulo'xik chrij.

Proverbios 17:10

Jun b'iw laj winaq lik kuta ub'e tupu xa ru' jek'anik, chwach jun b'uy laj winaq tupu kya' jo'winaq (100) ulo'xik kuta ti ub'e.

Proverbios 7:22

Are uri i ala le juntir xterej b'i chrij ixoq le, pacha jun b'oyex pilik re chi enam re pa kamsab'al; xaq pacha jun kej chi ktzaq chupam i tzaqsab'al,

Proverbios 3:34

I Ajwal keutze'ej ni je yo'yanel, xwiri kuk'ut ni k'axnab'al uk'ux chke i winaq chi kki'an ti nim che kib'.

Deuteronomio 25:2

I ajmak we lik kmajawik chi kb'ak' ulo'xik lik kb'ak' uri; i atol tzij kutaq uk'aqik chwach ulew man kb'ak' ulo'xik chwach ire, chrij ni'pa umak u'anom.

Salmos 1:1

Utz re i winaq chi kukoj ti retalil che i kipixb'anik i je utz ti laj taq winaq, xaq i uk'aslemal keje taj pacha kik'aslemal ajmakib' xaq kujunamsaj ti uwach ku' i winaq chi kkiyo'ya i Dios.

2 Reyes 2:24

I ma Eliseo xusutij rib' chkitaqexik, xeuk'oqoj pub'i i Ajwal. Are uri juntir xe'el li keb' atitab' yum pa taq es, xeki'an ch'aqa taq chke i keb' kawinaq (42) alab'om le.

Proverbios 1:22

“Yix alab'om chi nti inojb'al, ix yo'yanel xaq ix b'uy, ¿K'a junpa nawi kimayij chi k'ax taq kina ile chi nti inojb'al? ¿K'a junpa nawi kimayij ile chi k'ax kina i yo'yanik, xaq k'a junpa nawi kimayij ile chi kixutuj i no'oj?

Proverbios 1:26

¡Ya kuriq i ij chi kixintze'ej na are kixtzaq chupam i k'ax! ¡Ya kuriq i ij chi kixinyo'ya na are kixb'arb'at rumal i xib'rikil,