Proverbios 17:11 - Wuj Pa K'ubultzij

¹¹ Jun winaq chi to' kupiskila rib' chupam i tzij, to' ch'oj kutzukuj, xwiri ktaq nu b'i jun k'an laj taqon chuya'ik puyej.

Proverbios 17:11 Referans Kwoze

2 Samuel 18:15

Te'uri lajuj chke uwinaq ma Joab le chi kkito ru' uch'ojb'al, xkisutij rij ma Absalón xaq xkik'is ukamsaxik.

1 Reyes 2:46

Are uri i ajawinel xutaq b'i ma Benaía, chi uk'ojol ma Joiada, chukamsaxik ma Simei, Keje uri ile chi lik xkub'i u'atb'al tzij ma Salomón.

Lucas 19:27

Te'uri xub'ij chke: “Ni'pa i winaq chi tzel kinkilo, chi kkaj ti in o pkiwi, cheik'ama loq, xaq cheikamsaj chinwach”. Xcha i ajawinel.

Mateo 22:7

Rumali, i ajawinel lik xpe roywal che; xeutaq b'i uwinaq chi je yij che i ch'oj chkikamsaxik ni'pa i xe'anaw i kamik le, xaq chuporoxik i kitinimit.

Mateo 21:41

Ike xkila' uwach che: —Ire lik keukamsaj ni je aj-anol utz taj le; lik kril ti tob'al kiwach. Te'uri kuya i rulew chke jub'an chik ajpamey, chi kkijach re ire che, are kuriq i ij re i molonik —xecha i nimaq taq winaq che i Jesús.

1 Reyes 2:31

Are uri i ajawinel xub'ij: —Chqaya urayijb'al che, chakamsaj xaq chamuqu, man ksach uwach i makil chi enaq chkij i ralk'uwal inqajaw xaq chkij i walk'uwal yin, chi are ronojel ni'pa i kamik chi u'anom i ma Joab.

2 Samuel 20:22

Are uri lik juntir x-e la ixoq le ru' usaqlejal chuyu'uxik kixikin konojel i winaq re i tinimit, rumali xkik'atzij li ujolom ma Seba, te'uri xkik'aq li che ma Joab puwi i tapial chi nim uwach. Are uri i ma Joab xutaq uxut'ixik i trompeta, rumali xkiya kan i tinimit, i chkijujunal xe'e chi kachoch. Tz'aqat i ma Joab le, xtzalij b'i ru' i ajawinel chila pa Jerusalén.

2 Samuel 20:1

Jun utz ti laj winaq kikwenta utzob'ajil ma Benjamín, chi ma Seba ub'i, uk'ojol ma Bicri, o chila Gilgal. I achi le xuxut'ij i trompeta xaq ko xsik'in chub'ixkil i tziji: “¡Qonojel yoj lik nti ub'itaq qe kya'ik xaq nti ukuxtab'al ma David qu' chi uk'ojol ma Isaí! ¡Rumali iwonojel yix ix aj Israel, jix chi taq iwachoch!”

2 Samuel 18:19

Te'uri ma Ahimaas, chi uk'ojol ma Sadoc, xub'ij che ma Joab: —Kintz'onoj utzil chawe chi chaya b'i chwe chi kin-e la pa'anem chub'ixkil che i ajawinel, chi i Ajwal xu'an atb'al tzij puwi man xresaj pki'ab' i ajch'oj chrij.

2 Samuel 15:12

Xaq ma Absalón le, xutaq usik'ixik jun chke i ajya'ol uno'oj ma David, chi ma Ahitofel ub'i, i achi le jeqel putinimit Gilo, man krachnimaj ma Absalón are kujach usipon. Keje uri ile chi ma Absalón xnimar ukowil uwach chuqelik ma David, xaq i winaq chi kkiya kiwach ru' lik ij ij ktijin kik'iyarik.

Proverbios 17:10

Jun b'iw laj winaq lik kuta ub'e tupu xa ru' jek'anik, chwach jun b'uy laj winaq tupu kya' jo'winaq (100) ulo'xik kuta ti ub'e.

Proverbios 17:12

Mas utz kak'ulaj chwach jun ati yum chi lik mi'naq roywal, chwach we kak'ulaj jun b'uy laj winaq chi sachnaq chupam ub'uyil.

Proverbios 24:21

Wak'al chakojo u'ij i Dios xaq i ajawinel; xaq lik me'awachi'ilaj i je ajch'oj,