Proverbios 16:19 - Wuj Pa K'ubultzij

¹⁹ Mas utz we ka'an ajaj che awib' ku' i nib'a'ib'; chwach ka'an b'eyom che awib' ku' i kki'an nim che kib'.

Proverbios 16:19 Referans Kwoze

Mateo 5:3

Utz ke ike chi keta'am chi o rajwaxik kkitzukuj i Dios pkik'ux, man ke'ok ni uri Pu'atb'al tzij i Dios aj Chikaj.

ISAÍAS 57:15

Man i nim laj Dios, chi lik k'aslik ronojel ij saq, chi Santo ub'i, kub'ij: Yin injeqel che jun k'ijib'al naj uwi chi xaq lik o u'ij, xaq in o ru' i ajaj laj winaq xaq ru' i jun chi lik kutij uyej, kinya ukowil uk'ux xaq ucho'ab'.

Salmos 138:6

Tupu i Ajwal lik k'a chikaj loq o wi, xwiri kril tob'al uwach i winaq chi ajaj chwach Ire, xaq chinaj kril li jun chi k-on nim che rib'.

Salmos 34:18

I Ajwal lik naqaj o wi re keuto ni'pa i keb'isonik, xaq ni'pa i b'a'krijnaq chik kik'ux chupam i k'ax.

ÉXODO 15:9

I ajch'oj xub'ij: Kinterej b'i chkij k'a keinriqa na. Lik kinkikot na xaq kinjach ni ronojel i xinmaj chke man lik kwesaj woywal chke, ru' i ch'ich' chi k'ulala o uware keinkamsaj ni konojel; xcha.

ISAÍAS 53:12

Rumali i Dios kuya ni jun uk'ijib'al chkixol i nimaq ki'ij, xaq ku' i nimaq kicho'ab' ku'an wi i nima'ij re i ch'akanik, man xujach rib' che i kamik xaq x-ajlax b'i chkixol i utz ti laj taq winaq, xwiri lik saq laj tzij xreqaj kimak k'iyal taq winaq, lik xch'aw chkij ajmakib'.

ISAÍAS 10:6

Kintaq b'i chu'anik ch'oj chrij jun tinimit chi lik itzel laj taq winaq je o che, chrij jun nim laj tinimit chi k'ax kch'aw chwij, man krel-aj ni ub'itaq ke xaq kumaj ni kib'eyomal chke, man keuya'ya ni che aqan pacha xo'ol pa taq b'e.

ISAÍAS 9:3

Ajwal, lik xak'am li jun nim laj kikotemal, lik nim i kikotemal le. Konojel kekikot chawach Yet pacha taq u'ijlal i molonik, pacha kkikotemal i winaq chi kkijach i nimaq taq b'eyomal chkiwach.

Proverbios 29:23

Jun chi k-on nim che rib' kqajsax ni uri u'ij; xwiri jun ajaj laj winaq knimarsax ni u'ij.

Jueces 5:30

“Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”

Proverbios 1:13

man keje ile kqariq i jalajuj nimaq taq b'eyomal, ¡Kqanojsaj ni qachoch che ronojel ni'pa i kqel-aj!

Proverbios 1:14

Sa'aj xaq chaya awach qu' yoj; xaq chaya amer chqe man keje ile kqa'an xaqjun che ru' i qe yoj.”

Proverbios 3:34

I Ajwal keutze'ej ni je yo'yanel, xwiri kuk'ut ni k'axnab'al uk'ux chke i winaq chi kki'an ti nim che kib'.

Proverbios 25:7

Mas utz we kb'ix chawe: Chateli waral, chwach we kqajsax taq a'ij chkiwach i nimaq kipatan. Wach taq i kawilo