Proverbios 15:17 - Wuj Pa K'ubultzij

¹⁷ Mas utz xa ichaj katijo xwiri ru' k'axnab'al k'uxij; chwach we ti'ij katijo we xa ru' titb'al pamaj.

Proverbios 15:17 Referans Kwoze

Proverbios 17:1

Mas ne utz we chaqij wa re trigo katijo sta we utz at olik, chwach we lik o k'iyal taq nima'ij chi awachoch we xa to' ch'oj ki'ano.

Proverbios 21:19

Mas ne utz jeqelem che jun tz'inilik jyub' chaqij, chwach jeqelem ru' jun ixoq chi ajtzukul ch'oj xaq kch'ijaw ti roywal.

1 Juan 4:16

Rumali qeta'am xaq kqakojo chi Dios k'ax kojuna'o. I Dios are uxeb'al i k'axnab'al k'uxij. Pachin k-aljin che chi o k'axnab'al uk'ux, o uri che i Dios, xaq i Dios o che ire.

Filipenses 2:1

Yix chi ix re chik i Cristo, we o ukowil ik'ux uya'om chiwe, we kuxlan ik'ux rumal k'axnab'al uk'ux ire chiwe, we o i Lo'laj Utewal i Dios iwu', we kiwaj iwib' chiwach, we xaq kiwil tob'al iwib' chiwach,

Mateo 22:4

Te'uri xeutaq chub'i jub'an chik umokom chkisik'ixik. Xub'ij chke: “Chib'ij chke ni'pa i je insik'im na, chi yij chik i wa'im. Chib'ij chke chi je inkamsam chik i chikop chi je in ti'ojersam. Ronojel is yij chik; ike chepetoq, chixchoq chke.”

Lucas 15:23

Chik'ama li i me' chi lik ti'oj xaq chikamsaj. ¡Man kqa'an jun nima'ij ru' jun wa'im!

ECLESIASTÉS 4:6

Xwiri yin kinb'ij: “Mas ne utz katuxlan jun or chwach keb' or achak, man ile ke'eloq xa are kawaj uchapik i tew.”

Proverbios 16:8

Lik utz ni xa jub'i' kch'akik, xwiri we utz uch'akik k-anik; chwach we k'i kch'akik xwiri we utz ti uch'akik antalik.