Proverbios 14:34 - Wuj Pa K'ubultzij

³⁴ I u'anik i suk'ul laj atb'al tzij are kyakaw u'ij jun tinimit, xwiri i makunik are kyaw uk'ix.

Proverbios 14:34 Referans Kwoze

Salmos 107:34

I Dios xujalwachij i utz laj ulew, xu'an che chi kwachin ti chik, rumal kimak i winaq chi je jeqel chwach.

Oseas 13:1

I uwinaq ma Efraín are kech'awik, i jub'an chik tzob'ajil re i tinimit Israel kkik'utu chi lik kkikoj retalil che wach i kub'ij; xwiri ire xa xukoj u'ij i tiox Baal rumal i makunik le, xkamik.

Proverbios 14:33

I no'oj kk'iji pkinojb'al i winaq chi kech'ob'onik, xwiri kjeqi ti chkixol i b'uy laj taq winaq.

Proverbios 14:35

Jun ajchak chi ronojel is ktiki chu'anik k'ax ni kna' rumal i ajawinel, xwiri i jun chi nti ktiki chu'anik, xa kupetsaj roywal i ajawinel.

SEGUNDO LIBRO DE CR%D3NICAS 28:19

I Ajwal xupetsaj i k'ax pkiwi i tinimit Judá le rumal umak ma Acaz, chi ajawinel chila pa Judá, man ire xuya chke i winaq chi xki'ano pacha taq kkaj ike, xaq lik xresaj uk'ux che i Ajwal.

Proverbios 29:4

I ajawinel chi ku'an atb'al tzij suk'ulik, kukub'a uri utinimit; xwiri i jun chi lik xwi kutz'onoj alkawal xa kusachsaj uwach utinimit.