Proverbios 13:22 - Wuj Pa K'ubultzij

²² Jun utz laj winaq kuya kan kuxtab'al re chke i ri umam; xwiri kib'eyomal ajmakib' kya' ni chke i je utz laj taq winaq.

Proverbios 13:22 Referans Kwoze

ECLESIASTÉS 2:26

Saq laj tzij i Dios kuya i nojb'al, etamanik xaq i kikotemal chke pachin je utz kril ire; xwiri pachin kemakunik kuya i eqan chkiqul re kkit'ub'a uchi' i b'eyomal, te'uri Ire kuya chke i pachin je utz kril Ire. ¡Xaq ile to' ik'awel lik nti o kkanajik xaq pacha taq kawaj uchapik i tew!

Proverbios 28:8

Jun chi kut'ub'a i b'eyomal ru' rumal i alaj re i mer chi uya'om pa cha'im, i b'eyomal le kut'ub'a xa che i jun chi k'ax keuna i nib'a'ib'.

Salmos 37:25

Yin in ik'awnaq chupam in k'ak'alil, wo'or lik in rij chik, xwiri mijuyak wilom jun utz laj winaq chi kutij numik, xaq mijuyak wilom chi i rak'al kkitz'onoj taq kimer pa taq b'e re kiwa.

Salmos 112:2

I kimuq kixikin kki'at ni tzij chwach i jyub' ta'aj, i lemajil ke i je utz laj taq winaq kk'iji ni utzil chomal pkiwi.

Esdras 9:12

Xaq xab'ij chqe chi kqak'ulb'a ti qami'al ku' i kik'ojol i winaq le xaq mitene kimi'al ike kek'uli ku' i qak'ojol yoj, xaq kqa'an ti chomb'al ib' ku', xaq kqa'an ti i utz ku' i winaq le, man keje ile lik o qacho'ab', kqaqusij i utz chi kuya i ulew le chqe, te'uri kqaya kan chke i qamuq qaxikin chi are kuxtab'al qe chi k-e ij saq chrij.

Salmos 128:6

Lik kawil kiwach awi amam. ¡Ch-ol ni chomb'al ib' puwi i tinimit Israel!

Salmos 102:28

Lik keawil ni kimuq kixikin awajpatan chke, rumali nti xaqmanal kkik'ulmaj pkik'aslemal, xaq keb'in ni chupam ab'e.

Proverbios 17:6

I kikoron i rijab' je are i ki kimam, xaq i ki'ij kichomal i alk'uwalxelab' je are i kiqajaw kichuch.