7 Are kkam i utz ti laj winaq, xaq ksach uri uwach ronojel ni'pa ukub'am uk'ux che xaq ronojel ni'pa taq urayijb'al uk'ux.
I je utz laj taq winaq kikotemal nab'e chkiwach; xwiri i je utz ti laj taq winaq b'is nab'e chkiwach.
Xwiri, i itzel laj taq winaq, kkitzukuj na pachin ketowik, xwiri kkiriq taj. Kkiriq ti jun k'ijib'al ipa kkito wi kib'; xwi i kamik kkoy-ej na.
I utz ti laj winaq are umak ktzaqsawik, xwiri i utz laj winaq are i utz chi ku'ano ktowik.
Man i winaq le are kkamik ktzalij chik puk'aj ulew, xaq lik che i ij le, ksach uwach ronojel uch'ob'onik.
¿Lik kamayij ti ukojik chi lik at jun dios are at o chkiwach i katkikamsaj? ¡Pki'ab' i katkikamsaj lik at keje pacha jun achi chi nti u'ij!
I utz ti laj winaq are kril ile xaq kuqach'ach'ej ni uware rumal roywal che; i kirayijb'al itzel laj taq winaq le kchup ni uwach.
I Dios kuto ni utz laj winaq chwach i k'ax, xaq kuya i tojb'alil chke i je utz ti laj taq winaq.
I Ajwal keuto i utz laj taq winaq, xwiri kusach kiwach ni'pa i ke'anaw i utz taj.