Proverbios 1:18 - Wuj Pa K'ubultzij

¹⁸ I winaq le lik xa tzaqsab'al ke ike kkiyijb'a xaq xa kkiya kik'aslemal chwach i kamik.

Proverbios 1:18 Referans Kwoze

Salmos 9:16

I Ajwal uya'om retamaxik pachin Ire; ¡Ire u'anom i suk'ul laj atb'al tzij! Man i utz ti laj winaq ktzaq chupam i tzaqsab'al chi are ire yijb'awnaq.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Proverbios 28:17

I jun chi u'anom jun kamik, to' kk'achirik xaq to' kruwaj rib', lik nti jun ktowik k'a kkam na.

Salmos 55:23

Wajwal Dios, i ajkamsanel laj taq winaq xaq ajt'oronel laj taq winaq lik kenik'ajar tene che kik'aslemal; man yet ka'an ni chke chi ketzaq nu b'i pa jul re i kamik, xwiri yin lik kul ink'ux chawe.

Romanos 2:5

Xwiri yet lik at b'uy, kawaj ti kajalwachij ak'ux chwach i Dios; rumali xa kattijin chunimarsaxik amak chi kpe ni pawi are kuriq i ij re tojb'al mak are ku'an i Dios i suk'ul laj atb'al tzij.

Proverbios 1:11

We kkib'ij taq chawe: “Chatpet qu' yoj, man kqakoj jun tzaqsab'al ke i winaq chi nti kimak man keje ile are keik'awik, ketzaq chupam xaq kekam na.

Proverbios 1:17

Man nti kqaj che we koksax taq jun chapb'al tz'ikin we i tz'ikin kkilo.

Proverbios 11:19

I terejik chrij i suk'ulik lik are terejik chrij i k'aslemal, xwiri i terejik chrij i mak atzalal are terejik chrij i kamik.

Proverbios 11:5

I u'anik i suk'ulik kusuk'b'a ub'e i utz laj winaq, xwiri i utz ti laj winaq utukel kutzaqsaj rib'.