Oseas 9:13 - Wuj Pa K'ubultzij

¹³ Yin kwilo chi tinimit Efraín ku'an chke i rak'al je pacha taq kiti' i je ajmontiyar: Keresaj b'ik re keujacha pu'ab' i kamik.”

Oseas 9:13 Referans Kwoze

Ezequiel 27:3

chrij i tinimit Tiro, are i tinimit chi o chuchi' i mar chi kk'ayin ku' i nimaq taq tinimit, xaq ku' k'iyal tinimit chi je o chuchi' i mar. Chab'ij che chi keje iri kub'ij i Ajwal: Yet, tinimit Tiro, ka'an che awib' pacha taq at k'ak' laj barco chi lik at chom xaq lik at utz;

AMÓS 7:17

Xwiri iri are kub'ij i Ajwal: I awixoqil kumin ni rib' ku' achiyab' chkiwach i winaq pa tinimit, i ak'ojol xaq i ami'al kekam ni ru' ch'ich' chi k'ulala o uware; awulew kkijach ni chkiwach ru' sakinik; yet lik katkam ni pkulew i winaq chi kkikoj ti Dios, i winaq aj Israel kechap nu b'ik, kek'am nu b'i naj che i kulew.

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

Oseas 13:8

Kin-el b'i chuk'ulaxik pacha jun ati yum chi usachom ral taq rak'al, xaq lik kin-an ni ch'aqa taq che i kanima. Pacha taq jun koj keintij nu b'i chila; pacha jun itzel laj chikop kin-an ni k'ax chke.

Oseas 10:14

o ni ch'oqowik chkixol awinaq xaq konojel ni'pa i kattowik lik ksachsax ni kiwach, keje pacha usachik x-an che i Bet-arbel rumal i ajawinel Salmán che i ij re i ch'oj, are xya'yax upam i chuchxel ku' i rak'al.

Oseas 9:16

I tinimit Efraín lik soktajnaq; keje pacha jun che' chi lik chaqijnaq i ra', chi xaq umayim uya'ik uwach. Tupu kk'iji rak'al, Yin kin-an chke chi kekamik. Keje ile xub'ij i Ajwal.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

2 Reyes 15:16

Ma Manahem xuchup uwach i tinimit Tifsa xaq xrel-aj b'i ronojel ni'pa i jalajuj taq b'iroxik chi o chila, xaq keje ile xu'an chila pa tinimit Tirsa. Chila che i tinimit le, xujaq kipam konojel ixoqib' chi je k'aqtajnaq; xu'an ile chke man xkijaq ti uchija che re i nim laj tinimit.

JEREMÍAS 7:15

Kixwesaj nu b'i yix chinwach pacha kelsaxik xin-an b'i chke iwatz icha' ujer, chi je umuq uxikin ma Efraín.

Job 27:14

Tupu lik je k'i i kak'al, kekam ni pa ch'oj, we ntaj kekam ni rumal utzukuxik wach taq kkitijo.

Lamentaciones 2:22

A'anom che i xib'in ib' chi k'ulala kk'un qu', pacha taq ke'e pa jun nim laj nima'ij; che i ij chi lik petnaq nim laj awoywal, Ajwal, lik mijun x-anmajik. I jub'an chi yin xeink'itsaj xaq xink'ut u'anik utz chke, i ajch'oj chwij xeukamsaj.

Oseas 14:1

¡Chattzalij chaloq, Israel, ru' awajwal Dios, yet chi xattzaq rumal amak!