Oseas 8:9 - Wuj Pa K'ubultzij

⁹ rumal xe'e ku' aj Asiria pacha jun b'uy laj itzel axna aj pa taq es. ¡I tinimit Efraín xuya sipon lo'b'al ke i winaq chi kumin rib' ku' xa ani'al!

Oseas 8:9 Referans Kwoze

JEREMÍAS 2:24

Pacha taq ati axna chi to' k-e b'i pa taq es, chi lik kxut'ut tew putzam rumal urayijb'al uch'akul. Are ketz'anik lik mijun ktiki chuqajsaxik urayijb'al, we jun ma axna kutzukuj, lik kkos ti uri chutzukuxik man kuriq che i ij are ketz'anik.

Oseas 7:11

I tinimit Efraín keje pacha jun palomax chi kch'ob'on taj xaq nti uno'oj: Kutz'onoj utob'al che i tinimit Egipto, te'uri k-e chik pa Asiria.

Oseas 5:13

I Efraín are kuna'o chi lik iwab', xaq i Judá kril i soktajnaq che rib', i Efraín k-e ni pa Asiria chutz'onoxik tob'al rib' che i nim laj ajawinel, xwiri i ajawinel le ktiki ti chrutzirsaxik.

2 Reyes 15:19

ma Pul, chi ajawinel re i tinimit Asiria, xumaj ulew Israel. Are uri ma Manahem xuya wuqub' waqlajujwinaq jumo' (727) tintal saqpwaq che ma Pul, man kuyab'ej ucho'ab' rajawinik i ajawinel.

Oseas 12:1

I tinimit Efraín kutzuq rib' che i tew: Ronojel ij teren chrij i tew re prelb'al ij. Kutz'ab'ij ut'oronik xaq i xib'in ib' chi ku'ano, ku'an trat ru' i tinimit Asiria xaq kutaq b'i aceite re sipon pa Egipto.

Oseas 2:10

Chkiwach achiyab' chi je re ani'al kinch'anb'a ni chisaq. ¡Lik mijun ktiki chrelsaxik pin-ab'!

ISAÍAS 30:6

I tzijonik chkij i chikop pa Neguev: Keik'aw pa taq tz'inilik jyub' chaqij chi lik xib'in ib', chila ipa je o wi k'iyal itzel taq chikop, ipa je o wi i koj chi ke'awunik, ipa je o wi i sochoj xaq ipa o wi i dragón chi krupup chikaj, kkik'am b'i ub'itaq ke chi paqal rajil, kkiya chkij i axna xaq kkiya b'i kib'eyomal chkij i kamey, k-e pa Egipto chi are jun tinimit chi lik nti kuchakuj,

ISAÍAS 30:2

Lik pa'anem ke'e pa Egipto, xwiri kkib'ij ti chwe Yin, xa kkitzukuj uto'ik kib' ru' ma faraón, kkito kib' chuxe' umuj i Egipto.

Oseas 12:2

I Ajwal ukojom ch'oj pa tinimit Israel. Kuya ni utojb'alil che i tinimit re i ma Jacob rumal i u'anom puk'aslemal; kuya utojb'alil che, chrij pacha kmajaw che ni'pa taq u'anom.