Oseas 8:14 - Wuj Pa K'ubultzij

¹⁴ I tinimit Israel kuyak ni nimaq taq ja ke ajawinelab', xwiri ksach ni chuk'ux i aj-anol re. I tinimit Judá kuyak ni nimaq taq tinimit chi lik sutim rij ru' tapial, xwiri yin kin-an ni chke chi kejar ni pa 'a i kk'is nu b'i kiwach i nimaq taq ja ke ajawinelab'.

Oseas 8:14 Referans Kwoze

Deuteronomio 32:18

Ix, aj Israel, xsach iqajaw chik'ux chi tol iwe; xsach i Dios chik'ux chi xuya ik'aslemal.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

Oseas 13:6

Xwiri yix are lik xk'iyar wach i tijawik re iwu' chi kik'is ti chik, iwanima lik xu'an nim che rib' i xinsach chik'ux.

ISAÍAS 17:10

Man xsach i Dios chak'ux chi xatuto, xk'un ti chak'ux chi lik are Ire tob'al awib'. Yet katchakun chupam i tikb'al taq kotz'ij muy, katik taq atikon yab'al u'ij jun dios aj naj.

AMÓS 1:10

Rumali kinnak' ni a' che kitapial i aj Tiro, xaq i a' le kuk'atsaj nu b'i i nimaq taq ja ke ajawinelab'.”

Efesios 2:10

Are i Dios oj anawnaq; xa oj jun chik rumal i Cristo rumali chi xoju'ano man kraj Ire chi kqa'an i utz. Xu'an pacha ax uch'ob'om wi loq.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

AMÓS 1:12

Rumal uri ile kinnak' ni a' che i Temán, xaq i a' le kuk'atsaj nu b'i nimaq taq ja re i Bosra.”

AMÓS 1:4

Rumali kinnak' ni a' che i nim laj rachoch i Hazael, xaq i a' le kuk'atsaj nu b'i i nimaq taq ja re Ben-adad.

Oseas 2:13

Kinya ni utojb'alil che rumal i ij chi xik'awik chi xusujuj pom chke taq i tiox, are kuwiq rib' ru' b'aq re uwi ab'aj xaq i uwaj, re kterej chkij achiyab' chi je re ani'al xwiri Yin lik xinusach puk'ux. Yin in Ajwal, xinb'ij.

JEREMÍAS 23:27

Ru' i achik' chi kkilap chkiwach, kkaj kki'an chke intinimit chi kinsach chkik'ux, pacha xki'an i katit kimam chi xinsach chkik'ux xaq xeterej chrij i tiox Baal.

JEREMÍAS 3:21

Ktataj i ch'awb'al chwi taq pelpaq loma tz'inilik; ¡Je are aj Israel chi ke'o'ik xaq kkitz'onoj kitob'al wachij! Xejech'ab' b'i kib'e xaq xinsach yin chkik'ux chi in Kajwal Dios.

JEREMÍAS 2:32

¿Jun ixoq xatab'a ksach chuk'ux ni'pa i chomiq taq ab'aj re wiqb'al rib' chi xukojo are xk'uli'ik? Xwiri yix intinimit lik ujer tan in sachnaq yin chik'ux.

ISAÍAS 43:21

are i tinimit chi inyijb'am man keje ile kesik'in ni chub'ixaxik in-ij.

ISAÍAS 42:25

Rumali xpe roywal chke ike xaq xuya utojb'alil chke ru' jun nim laj ch'oj chi lik xek'at b'i purep a', xwiri ru' ti uri ile, lik xkita ti ub'e.

ISAÍAS 42:13

I Ajwal ke'el na pacha jun achi o u'ij xaq kukoch'ij ni uwach ru' ronojel ucho'ab' pacha jun ajch'oj, ko kch'awik, ku'an jun sik' re ujeqik ch'oj xaq ktiki ni chke i je ajch'oj chrij.

ISAÍAS 29:23

Man i je umuq uxikin are kkilo wach in-anom pkitinimit, kketamaj ni inch'amil xaq kkixij ni kib' chu'anik i utz taj chinwach Yin chi in Lo'laj Dios ke aj Israel.

Salmos 106:21

Xsach i Dios chkik'ux, chi tol ke, chi xaq xu'an nimaq taq anik pa Egipto,

SEGUNDO LIBRO DE CR%D3NICAS 27:4

Xaq xu'an jalajuj taq tinimit chwi taq jyub' re i Judá, xu'an i tapial xaq xu'an tak'taq ja pa taq nimaq k'achelaj.

SEGUNDO LIBRO DE CR%D3NICAS 26:10

Xwi ta la ile, xaq xuyak tak'taq ja pa tz'inilik jyub' chaqij, xu'an k'iyal taq k'otom, man lik je k'i uchikop chi je o chwa taq ta'aj xaq chwa taq jyub'. Xaq je o achiyab' chi kechakun ru' pa jalajuj taq tikon xaq utikik i uva chila chwi taq jyub' xaq chupam rulew, man lik qus kril i tikanik chwach ulew.

1 Reyes 16:31

man lik xuxij ti rib' chu'anik ronojel ni'pa i mak atzalal pacha xu'an ma Jeroboam, chi uk'ojol ma Nabat. Xwi ta la ile xaq xk'uli ru' ati Jezabel chi umi'al ma Et-baal chi ajawinel pa tinimit Sidón, xaq pa k'isb'al re, x-e chukojik u'ij i tiox Baal.

1 Reyes 12:31

Xaq xu'an lo'laj k'ijib'al ke i tiox le tzam taq jyub'; xwi ta la ile xaq xeukoj taq ajsujul sipon, chi to' je winaq re i tinimit, lik ne te aj Leví.

2 Reyes 18:13

Che ukajlajuj junab' rajawinik ma Ezequías, ma Senaquerib, chi ajawinel re i tinimit Asiria, xu'an ch'oj chkij konojel i nimaq taq tinimit Judá chi o tapial nim uwach chkij xaq xeuk'am kanoq.

Salmos 95:6

Chixpetoq, chojxukul chwach chqakojo u'ij, chojxukul chwach i Ajwal man are Ire xoj-anawik.

ISAÍAS 9:9

konojel utinimit ma Efraín chi je jeqel pa Samaria, xkita ub'e i tzijonik le. Ike lik kkikoj ki'ij xaq kki'an nim che kib' chub'ixkil iri:

ISAÍAS 9:10

Xetzaq i natril xwiri kqayijb'a chik ru' ab'aj. Chettal k'iyal taq et chi are i che' sicómoro, xwiri kqajalwachij, kqakoj i che' chakalte' puk'exel.

JEREMÍAS 5:17

Kkitij nu b'i uwach atikon, awa, xaq kekib'i' ne b'i ak'ojol xaq i ami'al. Kekitij nu b'i achij, achikop, a-uva, xaq i a-higo. Ru' kich'ojb'al kkiwulijsaj ni nimaq taq tinimit chi sutim rij ru' tapial chi akub'am ak'ux yet che.”

Ezequiel 23:35

Rumali Yin in Ajwal, kinb'ij: Yet, rumal xinsach chak'ux, xa aya'om li uchel awij chwe, lik katij ni uk'axk'ol utojb'alil rumal i ni'pa taq i urayijb'al ach'akul, xaq uqajsaxik a'ij.

Oseas 4:6

Intinimit lik nti reta'am, rumali lik xsachsax uwach. I yet, at ajsujul sipon, chi xaxutuj i etamanik, yin katwesaj ni che apatan. Man yet xa ksach chak'ux ink'utunik chi in a-Dios, xaq Yin kinsach ni chink'ux i je amuq axikin.