Oseas 8:11 - Wuj Pa K'ubultzij

¹¹ Man i tinimit Efraín kuyijb'a k'iyal taq k'ijib'al re sujb'al sipon, chi xwi kajwax che re ku'an mak atzalal.

Oseas 8:11 Referans Kwoze

Oseas 12:11

Pa Galaad o taq tiox chi xaril je antalik, xwiri ne te saqil laj taq dios. Pa Gilgal ksujux i poronik ke i torib'; i sujb'al kisipon keje pacha jut'ub'aj ab'aj xol taq cholaj pa taq es.

Oseas 10:8

Lik kewulijsax ni'pa taq i lo'laj k'ijib'al ke i tiox chi xaril je antalik ipa te'eq kmakun wi i tinimit Israel. Puwi i kisujb'al kisipon ke'alax ni tzakam xaq i k'ix, i winaq kkib'ij ni chke i jyub': “¡Chojich'uqu!” Xaq kkib'ij chke i k'ujk'ik jyub': “¡Chixwulij na li pqawi yoj!”

JEREMÍAS 16:13

Rumali kixwesaj b'i chwach ulewi, kixintaq b'i che jun tinimit chi lik iweta'am ti uwach xaq mitene iwatit imam xketamaj uwach i tinimit le, chila chipa'ij chicha'ab' ki'an ni ipatan chkij jub'an chik dios, lik kwil ti pich' tob'al iwach.

Deuteronomio 4:28

Chila pa jalajuj taq tinimit le kkikoj ni ki'ij i jalajuj taq tiox chi je antal kumal i winaq, chi xa che' xaq xa ab'aj chi ketzun taj, ketan taj, kkitij ti kiwa xaq kesiqan taj.

JEREMÍAS 17:1

Ix aj Judá, i imak tz'ib'tal ru' tz'uqub' re ch'ich', lik tz'ib'tal ru' utzam i diamante, chwach i awanima, xaq che i rok'a' i sujb'al asipon.

Oseas 5:4

Rumal umak i tinimit kuya ti che chi ktzalij chik ru' u-Dios. Lik la'pum chik rumal i xaqmanal ku'an ru' uch'akul, kukoj ti u'ij i Ajwal.