Oseas 8:10 - Wuj Pa K'ubultzij

¹⁰ Xwiri tupu kuya i sipon pa nimaq taq tinimit, yin wo'or kinkichersaj nu b'i kiwach, i kuriqa ni jun ij chi nti chik ajawinelab' xaq mitene aj-ok'al utzam i tinimit.

Oseas 8:10 Referans Kwoze

Ezequiel 16:37

Rumali, Yin kinmol ni kichi' konojel i achiyab' chi je awe ani'al chi akub'sam kik'ux, chi aya'om kirayijb'al, xaq konojel ni'pa k'ax xeana'o xaq konojel ni'pa tzel xeawilo; keinmol ni kichi' chawij chawach xaq chkiwach ike katinch'anb'a na man keje ile katkilo chi lik at ch'analik.

Oseas 10:10

I tinimiti kinya ni utojb'alil umak che are kwaj Yin. Chrij ire kkimol ni kib' i nimaq taq tinimit are kinya utojb'alil chke rumal i nim laj kimak atzalal.

Ezequiel 26:7

Yin in Ajwal, kinb'ij: Kin-an na chi pa moxab' kpe ni ma Nabucodonosor, ajawinel re i tinimit Babilonia, are ajawinel chi lik nim ucho'ab', keje ile ku'an ch'oj chrij i tinimit Tiro. Keuk'am na li kaway, kareta xaq i achiyab' chi je ajrij taq kaway xaq ru' k'iyal tzob'ajil taq ajch'oj.

ISAÍAS 10:8

Kub'ij: Konojel i ajawinelab' je aj-atzil na chrij wach keintaq yin che.

Hageo 2:6

K-on pan jub'i' kin-an che i kaj i ulew chi kesiksatik, che i mar xaq i chaqij ulew.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Ezequiel 22:20

Keje pacha i saq-o'oj, kaqkoj ch'ich', ch'ich', raxch'ich' xaq i estaño chi junam ke'oksax pa orno, xaq keya' pa a' man keje ile keyayurik, keje kin-an yin ile chiwe rumal i nim laj woywal, kinmol ichi' xaq kixinyayursaj ni pa 'a.

JEREMÍAS 42:2

ma Jeremías, chi profeta, xkib'ij che: —Kqatz'onoj jun b'iroxik chawe; lik cha'ana utzil chqe: Chatz'onoj k'iyal mul utzil che Awajwal Dios pqawi yoj, chi k'a oj o ni kanoqi. Ujer lik oj k'i te'eq xwiri wo'or ya oj k'i ti chik pacha kawilo.

ISAÍAS 36:13

Are uri i ajpatan keje ile tak'alik ko xsik'in chub'ixkil pa hebreo: —Chita wach kub'ij i nim laj ajawinel chiwe, are i ajawinel re i tinimit Asiria:

PRIMER LIBRO DE CR%D3NICAS 5:26

Rumali chi ki-Dios aj Israel xumin pujolom i ajawinel aj Asiria, chi ma Pul ub'i, chi xaq ma Tiglat-pileser kb'ix che, chi ku'an ch'oj chkij, rumali xtiki chkich'akik utzob'ajil ma Rubén, ma Gad xaq nik'aj che utzob'ajil ma Manasés. Xaq xeuk'am b'i pa tinimit Halah, Habor, Hara xaq chi raqana Gozán, ipa je jeqel wi wo'or.

2 Reyes 17:3

Ma Salmanasar, chi ajawinel re i tinimit Asiria, xu'an ch'oj chrij ma Oseas, keje uri ile chi ma Oseas le x-on ajpatan chrij ma Salmanasar xaq xutoj alkawal che.

2 Reyes 14:26

Man i Ajwal xril i nim laj k'ax chi je o aj Israel chupam; mijun winaq re i tinimit we xutij ti i k'ax le, mijun xtow i tinimit Israel le.

Ezequiel 16:33

Konojel ixoqib' chi kki'an i ch'am taj ru' kich'akul lik kya' jun rajil chke; xwiri xa are ne yet kaya kisipon konojel i je awe ani'al ni'pa kkimin kib' awu' xaq lik xeatojo man keje ile kek'un awu' xaipa taq kepe wi re kolki'ana kimak awu'.

Ezequiel 23:5

I ixoq Ahola, xumin rib' ku' jub'an chik, lik x-e uk'ux chke i achiyab' chi kkimin kib' ru', chi je are i ajch'oj pa tinimit Asiria,

2 Reyes 17:4

Xwiri i ajawinel aj Asiria, chi ma Salmanasar, xunab'ej chi ma Oseas kraj u'anik ch'oj chrij, xaq utaqom b'i jub'an ajb'il tzij ru' ma So, chi ajawinel re i tinimit Egipto; xwi ta la ile xaq kutoj ti chik i alkawal che ma Salmanasar chi kutoj junab' junab' che. Rumali ma Salmanasar xutaq uchapik xaq uminik ma Oseas prexil.

ISAÍAS 30:2

Lik pa'anem ke'e pa Egipto, xwiri kkib'ij ti chwe Yin, xa kkitzukuj uto'ik kib' ru' ma faraón, kkito kib' chuxe' umuj i Egipto.

Oseas 12:2

I Ajwal ukojom ch'oj pa tinimit Israel. Kuya ni utojb'alil che i tinimit re i ma Jacob rumal i u'anom puk'aslemal; kuya utojb'alil che, chrij pacha kmajaw che ni'pa taq u'anom.