Oseas 5:13 - Wuj Pa K'ubultzij

¹³ I Efraín are kuna'o chi lik iwab', xaq i Judá kril i soktajnaq che rib', i Efraín k-e ni pa Asiria chutz'onoxik tob'al rib' che i nim laj ajawinel, xwiri i ajawinel le ktiki ti chrutzirsaxik.

Oseas 5:13 Referans Kwoze

Oseas 7:11

I tinimit Efraín keje pacha jun palomax chi kch'ob'on taj xaq nti uno'oj: Kutz'onoj utob'al che i tinimit Egipto, te'uri k-e chik pa Asiria.

Oseas 12:1

I tinimit Efraín kutzuq rib' che i tew: Ronojel ij teren chrij i tew re prelb'al ij. Kutz'ab'ij ut'oronik xaq i xib'in ib' chi ku'ano, ku'an trat ru' i tinimit Asiria xaq kutaq b'i aceite re sipon pa Egipto.

Oseas 10:6

Tupu i me' lik kk'am nu b'i pa Asiria sujb'al re che i nim laj ajawinel. Keje ile i tinimit Efraín lik kk'ix ni che: I tinimit Israel kk'ix ni che utiox chi xaril antalik.

Oseas 8:9

rumal xe'e ku' aj Asiria pacha jun b'uy laj itzel axna aj pa taq es. ¡I tinimit Efraín xuya sipon lo'b'al ke i winaq chi kumin rib' ku' xa ani'al!

JEREMÍAS 30:12

I Ajwal kub'ij: I asokonik le lik kutzir ti chik. I ayob'il lik nti chik kunb'al kmajaw che.

2 Reyes 15:19

ma Pul, chi ajawinel re i tinimit Asiria, xumaj ulew Israel. Are uri ma Manahem xuya wuqub' waqlajujwinaq jumo' (727) tintal saqpwaq che ma Pul, man kuyab'ej ucho'ab' rajawinik i ajawinel.

Miqueas 1:9

Man i soktajnaq che i Samaria lik kutzir taj: O che ronojel i Judá xaq uponnaq k'a pa Jerusalén, are i nim laj tinimit ipa je jeqel wi inwinaq.

Oseas 14:3

I tinimit Asiria ktiki ti chqato'ik, xaq mitene koj-anmaj rij taq kaway. Kqab'ij ti chik qa-Dios che taq ronojel i qayijb'am yoj, man xwi awu' yet, Ajwal, i ak'alab' chi nti chik kiqajaw kichuch kuriq ni tob'al wachij.

2 Reyes 16:7

Are uri ma Acaz xutaq b'i jub'an ajk'amol b'i tzij ru' ma Tiglat-pileser, chi ajawinel re i tinimit Asiria, man kekib'ija che wach kub'ij ire: “I awajchaki ke'eloq pacha jun awak'al yet, rumali chatpetoq, chinato pu'ab' i ajawinel aj Siria xaq pu'ab' i ajawinel aj Israel, man ketijin chu'anik ch'oj chwij.” Xcha.

2 Reyes 15:29

Che taq ij re rajawinik ma Peka pa tinimit Israel, xupon ma Tiglat-pileser, chi ajawinel re i tinimit Asiria. I ajawinel le, xumaj i tinimit Ijón, Abel-bet-maaca, Janoa, Cedes, Hazor, Galaad, Galilea xaq ronojel ulew Neftalí; konojel i winaq xeuk'am b'i prexil pa tinimit Asiria.

ISAÍAS 3:7

I jun xula' uwach che: “Yin kintiki ti chuyijb'axik i utz taj le, chi wachoch nti ti'b'alil xaq nti in-u' re kinkojo. Mi'an taq aj-atzil re i tinimit chwe”

Ezequiel 23:5

I ixoq Ahola, xumin rib' ku' jub'an chik, lik x-e uk'ux chke i achiyab' chi kkimin kib' ru', chi je are i ajch'oj pa tinimit Asiria,

Oseas 2:7

Kterej ni chkij i achiyab' chi je re ire ani'al, xwiri keumaja taj; lik keutzukuj na, xwiri lik keuriq taj. Kub'ij ni uri: “Kintzalij ni chik ru' i nab'e wachijil, man ru' ire lik utz te'eq in olik chwach i wo'or.”