Oseas 2:22 - Wuj Pa K'ubultzij

²² i ulew kula' ni uwach che i trigo, che i uwa'al uva muqb'am xaq che i aceite, ike le kkila' ni uwach che a Jezreel.

Oseas 2:22 Referans Kwoze

Joel 2:19

xub'ij: “Kintaq b'i trigo, uwa'al uva muqb'am xaq i aceite, lik k'a kixnoj na; i lik kinya ti chik chke i winaq chi nti Dios ku' kixkiyo'ya.

Oseas 1:11

Are uri kkimol ni kib' i winaq re i tinimit Judá xaq re i Israel, i kkich'ik ni rij jun aj-ok'al utzam chke chi lik xwi ni ire, i kepe ni che ronojel taq k'ijib'al, ketzalij li pa Jerusalén. Man ¡Lik nim ni i ij re i Jezreel!

Oseas 1:4

Are uri i Ajwal xub'ij che ma Oseas: “Chaya pub'i i ak'al a Jezreel, man pa keb' oxib' ij panoq kink'ajsaj ni kiwach i je umuq uxikin ma ajawinel Jehú, rumal taq i kamsanik chi ire xu'an chila pa Jezreel, keje ile kink'is ni uwach i ajawinik pa tinimit Israel.

JEREMÍAS 31:12

Lik kekikot na kek'unik xaq keb'ixan ni chwi jyub' Sion, xaq lik keb'ixan ni rumal i k'axnab'al uk'ux i Ajwal chi xuya chke: Are i trigo, uwa'al uva muqb'am, aceite, chij xaq i chikop. Lik ke'on na pacha jun tikonb'al chi ja'talik xaq lik kk'is ti chik kicho'ab'.

Oseas 14:7

I tinimit Israel kjeqi chik chuxe' intob'al; are uri kek'iy na pacha i trigo, xaq kpe ni usij pacha uche'lal uva xaq lik o ni ki'ij pacha i uwa'al uva muqb'am re i Líbano.

ISAÍAS 62:4

Kkib'ij ti chik chawe chi at “O'tam kanoq” xaq mitene kkib'ij che awulew chi “Wulijnaq”, are i ab'i chi kb'ix na: “Lik kinupon chawach”, xaq kkib'ij ni che awulew, at “lo'laj wixoqil”. Man yet lik kupon i Ajwal chawach xaq are Ire pacha rachijil awulew.

JEREMÍAS 24:7

Kinya ni kino'oj man keje ile kketamaj na chi yin in Ajwal, ike je intinimit na xaq yin in ki-Dios na, man ketzalij chal wu' yin ru' ronojel kik'ux.

ZACARÍAS 8:8

kink'am na li pa tinimit Jerusalén re kjeqi ni chila. Keje uri ile ike je intinimit na, i Yin in ki-Dios na, ru' suk'ul k'uxij xaq ru' u'atik tzij.”