Oseas 13:16 - Wuj Pa K'ubultzij

¹⁶ I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

Oseas 13:16 Referans Kwoze

2 Reyes 15:16

Ma Manahem xuchup uwach i tinimit Tifsa xaq xrel-aj b'i ronojel ni'pa i jalajuj taq b'iroxik chi o chila, xaq keje ile xu'an chila pa tinimit Tirsa. Chila che i tinimit le, xujaq kipam konojel ixoqib' chi je k'aqtajnaq; xu'an ile chke man xkijaq ti uchija che re i nim laj tinimit.

2 Reyes 8:12

Are uri ma Hazael xutz'onoj che: —¿B'uchak chi kato'ik, nim laj winaq? Ma Eliseo xub'ij che: —Man weta'am chi ka'an ni k'ax chke aj Israel, kanak' ni a' che i kitinimit chi sutim rij ru' tapial nim uwach, keakamsaj alab'om xaq ak'alab' ru' ch'ich' xaq kajaq ni kipam i ixoqib' chi je k'aqtajnaq.

ISAÍAS 13:16

Lik chkiwach kexa' ni kak'al chwach ulew chi k'a je ch'utiq, lik kjok nu b'i upam kachoch chke xaq i kixoqil lik kechap ni pa cho'ab'.

AMÓS 1:13

Keje iri kub'ij i Ajwal: “I je aj Amón ki'anom uk'iyal mak atzalal chi lik kinmayij ti uya'ik utojb'alil chke; man rumal i kirayijb'al chi kkaj kki'an nim che i kulew, xkiraqij i kalanb'al ixoqib' chi je raxwinaq pa tinimit re i Galaad.

NAHUM 3:10

Xwiri i tinimit Tebas xek'am b'ik i xe'elsax b'i pa cho'ab' chwach kulew; i kak'al xekamsaxik xaq xejab'ix kan xol taq b'e; i winaq chi nimaq taq ki'ij xekisakij i je ajk'amol utzam xexim ru' karena.

Miqueas 6:16

Man xa at teren chrij utaqanik xaq i wach taq ku'an i ma Omri xaq i ralk'uwal i ma Acab, xaq are ka'ano pacha kki'an ike. Rumali Yin kin-an ni chawe yet xaq chke awinaq jun utz ti laj k'ulmanik re xib'rikil xaq re yo'yanik, i k'ixb'alil re intinimit ktzaq ni pawi yet.”

Miqueas 1:4

Ipa kik'aw wi ire kyayur ni jyub' pacha i cera chi yatal chwi a', i uwa taq ta'aj kejaqtaj ni pa nik'aj pacha taq attal ru' ucho'ab' jun nim laj ya.

AMÓS 9:1

Xwil i Ajwal, chi o chuk'ulel i k'ijib'al re sujb'al sipon i kub'ij chwe: “Chayoqya i aqan re i ja k'a kesilab' ni et; ¡Are je ch'aqa taq chik chetzaq na li pkiwi i winaq! Pachin kekanajik je k'aslik keinkamsaj ni ru' ch'ich' chi k'ulala o uware: Tupu ke'anmajik, lik mijun ktotajik;

AMÓS 3:9

Chiwesaj ub'ixkil yix pa nimaq taq ja ke i ajawinelab' re i Asdod xaq i pa nimaq taq ja ke i ajawinelab' re i Egipto: “Chixpet chwi taq jyub' re i Samaria; chiwila i xaqmanal chi ktijin u'anik chupam i tinimit le xaq i kamik chi ktijin u'anik chila.”

Oseas 11:6

I ch'ich' chi k'ulala o uware ktzaq ni pkiwi i kitinimit xaq kuwulijsaj i kik'ijib'al ipa kkik'am wi kicho'ab', kewulijsax na rumal taq i kich'ob'onik chi kki'ano.

Oseas 10:2

I tinimit Israel u'anom keb' che i ranima, i wo'or kutij ni k'ax rumal umak. I Ajwal kusachsaj ni uwach i kisujb'al sipon xaq keuwulijsaj ni i ab'aj chi o u'ij je o ru'.

Oseas 7:14

Tupu kesik'inik are je o chwi kich'at, xwiri kkikoj ti in-ij ru' kik'ux. Are kkitz'onoj ki-trigo xaq uwa'al ki-uva muqb'am, kkisok kib'; ¡Lik in kiqelom!

ISAÍAS 17:3

I ma Efraín, chi lik are te'eq u'ij i tinimit Israel, kkanaj na chi nti chik tapial nim uwach chrij utinimit; xaq keje kuk'ulmaj ni i Damasco ile ru' ni'pa k'a o te'eq pa Siria, lik k'ijib'al ti chik ipa k-at wi i tzij. Keje ile xub'ij i Ajwal chi ronojel ktiki che.

ISAÍAS 8:4

Man chuxe'el are k'amaja ktiki i ak'al chub'ixkil tat xaq nan; i Damasco xaq i Samaria lik kjok nu b'i ni'pa o ku' xaq ronojel i ub'eyomal kk'am nu b'i che i ajawinel aj Asiria.

2 Reyes 17:18

Rumal ronojel ile, i Ajwal lik xpe roywal chke aj Israel, rumali chi xutaq b'i kelsaxik chwach ire, xwi xkanaj kan utzob'ajil ma Judá ru'.

2 Reyes 17:6

Che i b'elejeb' junab' rajawinik ma Oseas, i ajawinel re i tinimit Asiria xuk'am i tinimit Samaria xaq xeuk'am b'i konojel aj Israel prexil chila pa tinimit Asiria. Xeuya chila che i tinimit Halah che i ulew Habor, che i raqana Gozán, xaq o xeuya chila che i tinimit Media.

2 Reyes 17:5

Chrijil chik ile, ma Salmanasar, xuk'am kan ronojel ulew Israel xaq xu'an ch'oj chkij i winaq aj Samaria; i ch'oj le xuch'ij oxib' junab'.