Oseas 11:6 - Wuj Pa K'ubultzij

⁶ I ch'ich' chi k'ulala o uware ktzaq ni pkiwi i kitinimit xaq kuwulijsaj i kik'ijib'al ipa kkik'am wi kicho'ab', kewulijsax na rumal taq i kich'ob'onik chi kki'ano.

Oseas 11:6 Referans Kwoze

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

Oseas 10:14

o ni ch'oqowik chkixol awinaq xaq konojel ni'pa i kattowik lik ksachsax ni kiwach, keje pacha usachik x-an che i Bet-arbel rumal i ajawinel Salmán che i ij re i ch'oj, are xya'yax upam i chuchxel ku' i rak'al.

Oseas 10:6

Tupu i me' lik kk'am nu b'i pa Asiria sujb'al re che i nim laj ajawinel. Keje ile i tinimit Efraín lik kk'ix ni che: I tinimit Israel kk'ix ni che utiox chi xaril antalik.

MALAQUÍAS 4:1

I Ajwal chi ronojel ktiki che kub'ij: Ya kuriq i ij, chi lik kjuluwik pacha jun orno, chi konojel i kki'an nim che kib' xaq i je utz ti laj taq winaq kejar ni pa a' pacha i k'im pa k'atsab'al re. I ij le are kk'unik lik keuk'at na, i lik mijun kkanaj chke ike.

Miqueas 5:11

kin-an ni che i nimaq taq atinimit chi ketzaq puyej xaq kinwulijsaj ni ronojel ukowib'al;

Ezequiel 20:47

Lik chab'ij che: Iri are kub'ij i Ajwal: Yin kinnak' nu b'i a' chawe k'achelaj chi kuk'at b'i ronojel ache' rax xaq i chaqij; i a' lik kjuluw na, lik kchup taj xaq kuk'at ni kipalaj ni'pa i winaq chi je o awu' yet, pa moxab' k'a pa wiqab'.

JEREMÍAS 5:17

Kkitij nu b'i uwach atikon, awa, xaq kekib'i' ne b'i ak'ojol xaq i ami'al. Kekitij nu b'i achij, achikop, a-uva, xaq i a-higo. Ru' kich'ojb'al kkiwulijsaj ni nimaq taq tinimit chi sutim rij ru' tapial chi akub'am ak'ux yet che.”

ISAÍAS 30:1

I Ajwal lik kub'ij: “¡To' kiwach i alk'uwalxelab' chi je qelqel, chi ke'ok chuch'ob'ik wach kki'ano xwiri kkik'am ti kino'oj chwe Yin, xaq kkiyijb'a u'anik jun chak chi kwaj ti Yin, ru' ronojel ile ketijin chuk'iyarsaxik kimak!

ISAÍAS 27:10

I tinimit chi o tapial chrij lik xwulijik, pacha jun ja o'talik, pacha jun tz'inilik jyub' chaqij chi nti winaq chwach. Are ni jun k'ijib'al ipa ke'esan wi i chikop chila ipa kkitij wi uxaq u'ab' taq che' xaq ipa kepuyi wi.

ISAÍAS 18:5

Are kik'aw i sijanik pa taq tikonb'al uva xaq chuxe'el i wachinik kpuq b'i usij i tikon, xwiri chuxe'el i molonik kchet b'i u'ab' i tikon ru' ch'ich', kk'atzix na xaq kelsax nu b'ik.

ISAÍAS 9:14

Are uri i Ajwal xu'an che i ajawinik ke aj Israel chi pacha uk'atzixik uje xaq ujolom jun chikop, pacha uk'atzixik jun palmera b'irir xaq i raxk'am. ¡Ronojel ni'pa ile kuk'ulmaj xa jun chi ij!

Salmos 106:43

I Dios k'iyal mul xeuto, xwiri ike xekojon ti che upixb'anik i Ajwal xaq lik xesach chupam i kimak.

Salmos 106:39

Ru' ronojel i utz ti laj taq anik chi xki'ano le, xemakun chwach i Dios, xaq xok i ch'am taj pkinojb'al.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

Deuteronomio 28:52

Ronojel atinimit ksutix ni rij k'a kwulijsax na li tapial chi lik naj rij xaq lik nim uwach, chi xaq akub'am te'eq ak'ux che, qatzij, ksutix ni rij atinimit xaq k-ani ni ch'oj chawij chila chwach ulew chi kuya i Ajwal chawe.

LEVÍTICO 26:33

Kixinkichersaj nu b'i chkixol i jalajuj taq tinimit, xaq ru' ch'ich' kixwoqtaj na, ronojel ulew re i tinimit kkanaj na pacha jun tz'inilik jyub' chaqij xaq ni'pa taq itinimit ksach ni uri uwach.

LEVÍTICO 26:31

kinwulijsaj ni itinimit, xaq kinwulijsaj ni lo'laj k'ijib'al ke i tiox man tzel kinsiq ruxlab' isipon.

JEREMÍAS 50:35

I Ajwal kub'ij: ¡I ch'oj pa tinimit Babilonia xaq chke uwinaq chi je jeqel chila! ¡Chke i kaj-atzil xaq chke i o kino'oj!

Lamentaciones 2:9

I tinimit lik nti uchija xaq i silik' che: ¡Lik mutmut xetzaq kan pa taq ulew! I kajawinel xaq i je aj-ok'al utzam i jalajuj taq tinimit je o chkixol i jub'an chi kkikoj ti i Dios; lik nti chik u'atb'al tzij i Ajwal ku'. ¡Etelechiki we i je profeta kkil taq i Ajwal pkiwach!

Oseas 4:16

I tinimit Israel lik b'uy pacha ub'uyil jun ral b'akil ch'uj; keje ile, ¿I Ajwal keuchajij ni pa chomiq taq wayb'al, ku'an chke pacha je ral taq chij?

Oseas 4:17

I a Efraín uya'om rib' chukojik u'ij taq tiox chi xaril je antalik. ¡Konojel je tzaqnaq pacha je jutzob'aj ab'arelab'! Julaj i julaj chik kki'an i ch'am taj ru' kich'akul, lik mas ne qus kkil i k'ixb'alil chwach we o ki'ij.

AMÓS 6:8

I Ajwal lik usaqim pub'i; i Ajwal Dios chi ronojel ktiki che, kub'ij: “Lik ktitat inpam che i u'anik nim che rib' i tinimit re ma Jacob lik kwaj ti i rachoch chi nimaq taq ja, kinjach ni i tinimit pu'ab' i ajch'oj chrij, junam ru' ni'pa taq o chupam i tinimit.”

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.