Oseas 11:11 - Wuj Pa K'ubultzij

¹¹ Pacha tz'ikin, kesiksatik ke'el na li pa Egipto; xaq ke'el na li pa Asiria pacha palomax; i kin-an ni chke chi kejeqi tan chik pkachoch. Yin in Ajwal, kinb'ij.

Oseas 11:11 Referans Kwoze

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

ISAÍAS 60:8

¿Je pachin taq ike le chi kesayay chikaj pacha sutz', chi pacha taq palomax chi ke'e pkisok?

ZACARÍAS 10:10

Kin-an ni chke chi ketzalij li pa Egipto, keink'am na li pa Asiria, keink'am nu b'i pa Galaad xaq pa Líbano, lik je k'i rumali kkiriq ti chik kik'ijib'al konojel.

Oseas 7:11

I tinimit Efraín keje pacha jun palomax chi kch'ob'on taj xaq nti uno'oj: Kutz'onoj utob'al che i tinimit Egipto, te'uri k-e chik pa Asiria.

ABDÍAS 1:17

Xwiri i jyub' Sion are ni jun lo'laj k'ijib'al re i Dios, chila ketotaj wi jujun. I je umuq uxikin i ma Jacob kkik'am chik i kulew;

Oseas 3:5

Chrijil iri ketzalij chik i aj Israel xaq kkitzukuj ni Ajwal chi ki-Dios xaq i ma David chi kajawinel. Pa k'isb'al taq ij kkitzukuj ni chik i Ajwal xaq ronojel i ub'itaq ke chi are ire kyawik.

Ezequiel 37:25

Kejeqi ni che i ulew chi xinya che wajpatan ma Jacob, xaq ipa xejeqi wi i katit kimam. Arewi chila kejeqi ni ike, i kak'al xaq konojel i kimuq kixikin; wajpatan ma David lik arewi are ire kaj-atzil.

Ezequiel 37:21

Te'uri chab'ij chke: Iri are kub'ij i Ajwal: Kewesaj li aj Israel chkixol i nimaq taq tinimit ipa xek'iji wi; kinmol ni kichi' che k'ulala taq k'ijib'al xaq kin-an ni chke chi ketzalij chal pkulew.

JEREMÍAS 31:12

Lik kekikot na kek'unik xaq keb'ixan ni chwi jyub' Sion, xaq lik keb'ixan ni rumal i k'axnab'al uk'ux i Ajwal chi xuya chke: Are i trigo, uwa'al uva muqb'am, aceite, chij xaq i chikop. Lik ke'on na pacha jun tikonb'al chi ja'talik xaq lik kk'is ti chik kicho'ab'.

Ezequiel 34:27

I che' chi je o pa taq es kewachin na, i ulew kuya ni uwach, ike utz ni jeqelem kki'an pkulew. Are Yin kewesaj intinimit pki'ab' ike chi je kiya'om pa k'ax kumal ike, are uri kketamaj na chi Yin in Ajwal.

Ezequiel 34:28

I tinimit aj naj kekiya ti chik ike pa k'ax, xaq mitene itzel taq chikop kekitij ti chik. Lik utz ni kik'aslemal xaq lik mijun kexib'iwik.

ZACARÍAS 8:7

Yin kwesaj ni intinimit pu'ab' i tinimit chi o prelb'al ij xaq pu'ab' i jun chik chi o puqajb'al ij,

ZACARÍAS 8:8

kink'am na li pa tinimit Jerusalén re kjeqi ni chila. Keje uri ile ike je intinimit na, i Yin in ki-Dios na, ru' suk'ul k'uxij xaq ru' u'atik tzij.”