Oseas 10:9 - Wuj Pa K'ubultzij

⁹ Kub'ij i Ajwal: I tinimit Israel umayim ti u'anik umak chi ujeqom li u'anik k'a che i jyub' Gabaa. ¡Che i kimak kiya'om wi kib'! Rumali, i ch'oj keumaj ni itzel laj taq winaq pa Gabaa.

Oseas 10:9 Referans Kwoze

Oseas 9:9

Lik xki'an i ch'am taj ru' ronojel kik'ux, pacha taq che i ij re i Gabaa. Xwiri i Ajwal kk'un ni chuk'ux i kimak rumali kuya ni utojb'alil kimak atzalal.

Jueces 20:5

Che a'ab' le i winaq chi aj chila che i tinimit le xkisutij rij i ja ipa xojkanaj wi kanoq, man kich'ob'om ike chi kinkikamsaj, are uri xaqmanal xki'an che qas ti mer wixoqil le, rumali xkamik.

GÉNESIS 8:21

I Ajwal are xusiq ruxlab' i sipon chi lik muy xub'ij: “Tupu lik utz ti urayijb'al kik'ux i winaq chkik'ak'alil loq, lik kink'oqoj ti chik uwach i jyub' ta'aj kumal ike, xaq kinchup ti chik kiwach konojel ni'pa o kik'aslemal, pacha xin-an che iri.”

GÉNESIS 6:5

I Ajwal are xril i mak atzalal ke i winaq chi lik k'i chik chwach i jyub' ta'aj, lik xwi kkich'ob' u'anik i utz taj ronojel taq ij,

Oseas 5:8

¡Chixut'ij i rok'a' i chikop re i ch'oj pa Gabaa xaq i trompeta pa Ramá! ¡Chiya utzijol pa tinimit Bet-avén! ¡Chitika i xib'in ib' pa Benjamín!

Oseas 10:8

Lik kewulijsax ni'pa taq i lo'laj k'ijib'al ke i tiox chi xaril je antalik ipa te'eq kmakun wi i tinimit Israel. Puwi i kisujb'al kisipon ke'alax ni tzakam xaq i k'ix, i winaq kkib'ij ni chke i jyub': “¡Chojich'uqu!” Xaq kkib'ij chke i k'ujk'ik jyub': “¡Chixwulij na li pqawi yoj!”

Oseas 10:10

I tinimiti kinya ni utojb'alil umak che are kwaj Yin. Chrij ire kkimol ni kib' i nimaq taq tinimit are kinya utojb'alil chke rumal i nim laj kimak atzalal.