Oseas 10:8 - Wuj Pa K'ubultzij

⁸ Lik kewulijsax ni'pa taq i lo'laj k'ijib'al ke i tiox chi xaril je antalik ipa te'eq kmakun wi i tinimit Israel. Puwi i kisujb'al kisipon ke'alax ni tzakam xaq i k'ix, i winaq kkib'ij ni chke i jyub': “¡Chojich'uqu!” Xaq kkib'ij chke i k'ujk'ik jyub': “¡Chixwulij na li pqawi yoj!”

Oseas 10:8 Referans Kwoze

Lucas 23:30

Are uri i winaq kkib'ij ni chke i nimaq taq jyub', “¡Chixtzaq li chqij!” Xaq kkib'ij ni chke i tzam taq jyub', “¡Chojich'uqu!”

Apocalipsis 6:16

Xaq xkib'ij chke i nimaq taq jyub' xaq chke i nimaq taq ab'aj: ¡Chixtzaq li chqij! ¡Chojiwuwaj chwach i Jun chi kul pa kub'ib'al chi o u'ij! ¡Chojito chwach i roywal i Ajwal chi Ral Chij kb'ix che!

ISAÍAS 2:19

I Ajwal are kwalij chuya'ik i ucho'ab' chwach i jyub' ta'aj, i winaq kkimin ni kib' pa taq k'awalaq re ab'aj, pa taq jul re uwach ulew, lik kkuwaj ni kib' chwach ucho'ab' xaq chwach i uwalch'inik u'ij uchomal i Ajwal.

Oseas 9:6

Ike je anmajnaq chwach i sachb'al kiwach; i Egipto keumol na, te'uri pa tinimit Menfis kemuq wi. Ni'pa taq i kib'eyomal chi saq-o'oj keu'on na pacha i tzarab', i k'ijib'al re kachoch ipa kimolom wi kib' kk'iy ni k'ix chwach.

AMÓS 8:14

I jub'an chi kkisaqij pkib'i i tiox re Samaria; ike chi kkib'ij: “Rumal uk'aslemal a-dios, yet tinimit Dan”, “rumal taq kik'aslemal i tiox aj Beerseba”, ketzaq na, i lik kewalij ti chik.

ISAÍAS 32:13

K'ix xaq itzel taq es kek'i ni chwach wulew, pa ronojel taq ja chi kekikotik re i tinimit chi lik qus kril i kikotsab'al ib'.

Apocalipsis 9:6

Che i jo'ob' ik' le, i winaq lik kkitij ni uyej kumal, lik kkaj ni kamik, xwiri kekam taj. Tupu lik kkitzukuj kikamik, kkiriq taj.

Miqueas 1:13

Yix, chi ix winaq re i Laquis, chi xi'an qelqel che iwib' pacha i Israel, chi yix xix-anawik chi xmakun i tinimit Sion, cheiwiqa i kaway chke ikareta.

Miqueas 1:5

Ronojel iri rumal uqelanik i tinimit re ma Jacob, rumal umak atzalal re i ajawinik Israel. ¿Ipa o wi uqelanik i ma Jacob? ¡Pa tinimit Samaria! ¿Ipa je o wi i lo'laj taq k'ijib'al ke i tiox chi xaril je antalik re i Judá? ¡Lik chila pa tinimit Jerusalén!

Oseas 10:5

I winaq re i tinimit Samaria keb'arb'atik; ke'o' che usachik uwach i uk'exwach i me' re i Bet-avén. Rumal ire ketz'uyin i tinimit xaq i ajsujul sipon, man i uchomalil lik sachnaq.

Oseas 10:2

I tinimit Israel u'anom keb' che i ranima, i wo'or kutij ni k'ax rumal umak. I Ajwal kusachsaj ni uwach i kisujb'al sipon xaq keuwulijsaj ni i ab'aj chi o u'ij je o ru'.

Oseas 5:8

¡Chixut'ij i rok'a' i chikop re i ch'oj pa Gabaa xaq i trompeta pa Ramá! ¡Chiya utzijol pa tinimit Bet-avén! ¡Chitika i xib'in ib' pa Benjamín!

Oseas 4:15

We yet, Israel, ka'an i ch'am taj, xwiri i tinimit Judá nti umak che ile. ¡Mix-e yix pa Gilgal xaq mixel b'i pa Bet-avén xaq mikuxtaj uk'aslemal i Ajwal puwi jun tzij! Man Ire lik k'aslik.

Oseas 4:13

Che unajtil uwi taq jyub', xaq chwi taq loma kkik'at pom xaq kkisujuj i sipon porom, xaq chuxe' i chomiq taq muj re i b'aqit, re i álamo xaq re i sik'al. Rumali i imi'al yix kkich'ak kimer chwach kich'akul, xaq keje iwalib' kkimin kib' ku' achiyab' chi kachijil taj.

ISAÍAS 34:13

Pa nim laj rachoch i ajawinel kek'iy ni k'ix, tzarab' xaq i ujolomk'oy. Lik are ni jun k'ijib'al ipa kejeqi wi i tz'i aj pa taq es xaq ipa kejeqi wi kak'al i chak'nos.

SEGUNDO LIBRO DE CR%D3NICAS 31:1

Are xik'aw i nima'ij le, konojel aj Israel chi je o te'eq chila xe'e pa jalajuj taq tinimit Judá, xki'an ch'aqa taq chke i jalajuj taq tiox, xkipaxij i ati tiox Asera xaq xkiwulijsaj i lo'laj k'ijib'al ipa koksax wi ki'ij i tiox le, ronojel xkichup uwach chila ku' utzob'ajil ma Judá, ma Benjamín, ma Efraín xaq ma Manasés. Are uri konojel aj Israel xetzalij b'i pkitinimit, chkijujunal xe'e chi taq kachoch.

2 Reyes 23:15

Ma Josías x-on uk'aj ulew xaq xunak' a' che i sujb'al sipon xaq che i k'ijib'al ipa xoksax wi ki'ij i tiox, xaq junam ru' ati tiox Asera, chi je o chila pa tinimit Betel chi xu'an ma Jeroboam, chi uk'ojol ma Nabat, chi xu'an chke aj Israel chi xemakunik.

1 Reyes 14:16

I Ajwal, kero'taj ni aj Israel rumal i mak atzalal chi xu'an ma Jeroboam, xaq rumal xeumin aj Israel chupam i makunik.

1 Reyes 13:34

Rumal i xaqmanal xu'an i ma Jeroboam le puk'aslemal, lik xu'an chke i ralk'uwal chi xemakunik xaq lik xchupsax kiwach konojel.

1 Reyes 13:2

Rumal utaqanik i Ajwal ko xch'aw che i sujb'al sipon: “Sujb'al sipon, sujb'al sipon, i Ajwal xub'ij: Chkixol i ralk'uwal ma David kalax ni jun ak'al chi kya' ni pub'i a Josías, ire le keukamsaj ni konojel ni'pa ajsujul sipon chila tzam taq jyub', chi lik pawi yet kkiporoj pom, xaq lik kkiporoj i kib'aqil i winaq.”

Deuteronomio 9:21

Chrijil chik ile xink'am pan i chikop chi xixmakun yix rumal xink'at pa a', te'uri xinjok'o k'a x-on ni kok', xink'aq b'i puwi i raqana chi kpe chuxe' i jyub' Horeb.

GÉNESIS 3:8

Are xutikb'a jorob'ik i ij, i achi ru' i rixoqil xkita chi i Dios kmalkat pa tikonb'al, are uri xe'e la pa'anem chruwaxik kib' chuxol taq che', man kkaj taj chi ke'iltaj rumal i Dios.

Oseas 2:6

Rumali kintz'apij ub'e ru' taq k'ix xaq kinkoj ni jun koral chrij chwach, man keje ile kuriq ti ub'e.

Oseas 10:9

Kub'ij i Ajwal: I tinimit Israel umayim ti u'anik umak chi ujeqom li u'anik k'a che i jyub' Gabaa. ¡Che i kimak kiya'om wi kib'! Rumali, i ch'oj keumaj ni itzel laj taq winaq pa Gabaa.

AMÓS 7:9

I lo'laj k'ijib'al re i ma Isaac kewulijsax na; xaq keje i k'ijib'al ipa kkikoj wi ki'ij i kitiox aj Israel kewulijsax na. ¡Kinwalij ni ru' ch'ich' chi k'ulala o uware chkij i ralk'uwal i ma Jeroboam!

NAHUM 3:11

Xaq keje yet, Nínive, katki'ab'arsaj na; lik sachnaq anojb'al, kawuwaj awib' xaq katzukuj na ipa kato wi awib' chkiwach i je ajch'oj chawij.

ISAÍAS 2:21

Te'uri kkimin kib' pa k'awalaq taq ab'aj, pa taq pek re i nimaq taq siwan ab'aj re kkuwaj kib' chwach i nim laj ucho'ab' i Ajwal, chwach uwalch'inik u'ij uchomal, are kwalijik xaq are kunojsaj uwach ulew ru' jun nim laj xib'rikil.

Oseas 8:5

¡Lik tzel kwil uk'exwach i chikop chi yet Samaria kakoj u'ij! Lik mi'naq woywal chrij ire. ¿Junpa nawi knajtinik chi kech'ajtaj i aj Israel?

AMÓS 1:5

Kinjaq ni uchija re Damasco ru' cho'ab'; kinsach ni uwach i krajawin chwach i ta'aj re i Avén xaq i krajawin pa Bet-edén, i aj Siria ke'elsax ni chwach i kulew xaq kek'am nu b'i pa Kir.” Are i Ajwal kb'iwik.

AMÓS 3:14

che i ij le are kintz'onoj che i tinimit Israel ronojel umak, kinwulijsaj ni k'ijib'al re sujb'al sipon re i Betel; xaq i ok'a' chi o che i sujb'al sipon kk'upix na xaq ketzaq ni pulew.