Oseas 10:7 - Wuj Pa K'ubultzij

⁷ Ksach ni uwach i ajawinel re i Samaria pacha uxuruk' che' chi ksayay puwi i ya.

Oseas 10:7 Referans Kwoze

Oseas 10:3

Wo'or i tinimiti kub'ij na: Nti qajawinel man qaya'om ti qak'ux che i Ajwal. Xwiri ¿Wach nawi jun utz ku'an jun ajawinel chqe yoj?

Júdas 1:13

I winaq le je keje pacha i retum re i mar are kel chikaj. Ni'pa i k'ixb'al kki'ano k-aljinik pacha uwoqow i mar chi lik tz'il. Xaq je keje pacha ch'umil chi ko'tam kan kib'e. Ni'pa i winaq le, i Dios keuya ni che jun equm lik mas eq. Chila kek'iji wi k-e ij saq chkij.

Oseas 13:11

Lik mi'naq woywal awu', xinya awajawinel, xaq mi'naq woywal awu', xeinmaj chawe.

Oseas 10:15

Keje ile kik'ulmaj ni yix, winaq aj Betel, rumal i nim laj imak atzalal. ¡I ajawinel re i Israel kkam na are ksaqirik!

2 Reyes 17:4

Xwiri i ajawinel aj Asiria, chi ma Salmanasar, xunab'ej chi ma Oseas kraj u'anik ch'oj chrij, xaq utaqom b'i jub'an ajb'il tzij ru' ma So, chi ajawinel re i tinimit Egipto; xwi ta la ile xaq kutoj ti chik i alkawal che ma Salmanasar chi kutoj junab' junab' che. Rumali ma Salmanasar xutaq uchapik xaq uminik ma Oseas prexil.

2 Reyes 15:30

Are uri ma Oseas, chi uk'ojol ma Ela, xujeq ch'oj chrij ma Peka, chi uk'ojol ma Remalías, xu'an k'ax che xaq xukamsaj. Keje uri ile chi ma Oseas xkanaj puk'exel pa ajawinik che i junab' juwinaq (20) che rajawinik ma Jotam, chi uk'ojol ma Uzías.

2 Reyes 1:3

Xwiri i ángel re i Dios xub'ij che ma Elías, chi aj pa tinimit Tisbe: Jat chkik'ulaxik i ajb'il tzij chi xeutaq li ajawinel ke aj Samaria, xaq chatz'onoj chke: ¿B'uchak kkitz'onoj taq che i tiox Baal-zebub, chi kitiox aj Ecrón, nti b'awa Dios pa Israel?

1 Reyes 21:1

Are xik'aw keb' oxib' junab', o jun achi aj Jezreel, chi ma Nabot ub'i, o jub'an uva utikom chila pa tinimit, chutzal i nim laj rachoch i ajawinel ma Acab, chi ajawinel re i tinimit Samaria.

Oseas 10:8

Lik kewulijsax ni'pa taq i lo'laj k'ijib'al ke i tiox chi xaril je antalik ipa te'eq kmakun wi i tinimit Israel. Puwi i kisujb'al kisipon ke'alax ni tzakam xaq i k'ix, i winaq kkib'ij ni chke i jyub': “¡Chojich'uqu!” Xaq kkib'ij chke i k'ujk'ik jyub': “¡Chixwulij na li pqawi yoj!”