Oseas 10:15 - Wuj Pa K'ubultzij

¹⁵ Keje ile kik'ulmaj ni yix, winaq aj Betel, rumal i nim laj imak atzalal. ¡I ajawinel re i Israel kkam na are ksaqirik!

Oseas 10:15 Referans Kwoze

Oseas 10:5

I winaq re i tinimit Samaria keb'arb'atik; ke'o' che usachik uwach i uk'exwach i me' re i Bet-avén. Rumal ire ketz'uyin i tinimit xaq i ajsujul sipon, man i uchomalil lik sachnaq.

Oseas 10:7

Ksach ni uwach i ajawinel re i Samaria pacha uxuruk' che' chi ksayay puwi i ya.

Romanos 7:13

Xwiri ¿Xatab'a are i utz laj atb'al tzij le xpetsaw i kamik pinwi? Lik are taj. Are i x-anaw iri are i mak atzalal. Xukowij taq ucho'ab' che i utz. Rumali alaj chi lik utz ti i mak atzalal.

Oseas 10:3

Wo'or i tinimiti kub'ij na: Nti qajawinel man qaya'om ti qak'ux che i Ajwal. Xwiri ¿Wach nawi jun utz ku'an jun ajawinel chqe yoj?

ISAÍAS 16:14

Wo'or i Ajwal kub'ij: “Pa oxib' junab' panoq, lik pacha rajlaxik k-on jun ajchak are krajlaj rajil, chi lik che k'asinaq wi; ni'pa u'ij uchomal i Moab kyo'yax na, tupu lik je k'i uwinaq xa jun ral mutzaj chik kkanaj kanoq chi lik nti kicho'ab'.”

Oseas 10:14

o ni ch'oqowik chkixol awinaq xaq konojel ni'pa i kattowik lik ksachsax ni kiwach, keje pacha usachik x-an che i Bet-arbel rumal i ajawinel Salmán che i ij re i ch'oj, are xya'yax upam i chuchxel ku' i rak'al.

Oseas 11:1

I tinimit Israel are keje te'eq pacha jun ak'al, Yin lik k'ax xinna'o; ire chi wak'al te'eq, xinsik'ij li pa Egipto.