Oseas 10:14 - Wuj Pa K'ubultzij

¹⁴ o ni ch'oqowik chkixol awinaq xaq konojel ni'pa i kattowik lik ksachsax ni kiwach, keje pacha usachik x-an che i Bet-arbel rumal i ajawinel Salmán che i ij re i ch'oj, are xya'yax upam i chuchxel ku' i rak'al.

Oseas 10:14 Referans Kwoze

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

Habacuc 1:10

Kekiyo'ya i ajawinelab' xaq i winaq chi o ki'ij. Xa kkitze'ej i tapial nimaq uwach, man kkit'ub'a ulew re kik'aw pkiwi i te'uri kekichapo xaq lik kekik'am b'ik.

NAHUM 3:12

Ronojel ni'pa taq akowil je keje na pacha i uche'lal higo chi lik ch'uych'ik uwach xwiri lik ch'u', chi lik ketzaq li pkichi' i ketijawik are kyilyax uche'lal.

NAHUM 3:10

Xwiri i tinimit Tebas xek'am b'ik i xe'elsax b'i pa cho'ab' chwach kulew; i kak'al xekamsaxik xaq xejab'ix kan xol taq b'e; i winaq chi nimaq taq ki'ij xekisakij i je ajk'amol utzam xexim ru' karena.

AMÓS 9:5

I Ajwal, chi Ronojel ktiki che, kuyin i ulew i ulew kyayur pa a', i konojel i uwinaq lik ke'o' na. I ulew kel b'ik xaq kqaj loq, pacha i ya re i Nilo chi kel b'ik xaq kqaj loq.

AMÓS 3:8

¿Pachin kb'arb'at ti rumal uxib'rikil we ksik'in i koj? ¿Pachin kch'aw ti pub'i i Ajwal we are Ire taqannaq?

JEREMÍAS 48:41

Nimaq taq tinimit xaq ronojel ukowib'al ktzaq ni pki'ab' i ajch'oj chrij. Che taq i ij le i achiyab' chi je yij che i ch'oj re i tinimit Moab kesiksat na pacha jun ixoq chi ya kalax rak'al.

ISAÍAS 33:14

Chila pa Sion lik kesiksat ni ajmakib', xaq i je utz ti laj taq winaq lik keb'arb'at ni rumal kixib'rikil xaq kkib'ij: “¿Pachin taq wa chqe yoj kuch'ijo kk'asi chupam jun a' chi kjarsanik, chupam jun a' ronojel ij saq uwach?”

ISAÍAS 17:3

I ma Efraín, chi lik are te'eq u'ij i tinimit Israel, kkanaj na chi nti chik tapial nim uwach chrij utinimit; xaq keje kuk'ulmaj ni i Damasco ile ru' ni'pa k'a o te'eq pa Siria, lik k'ijib'al ti chik ipa k-at wi i tzij. Keje ile xub'ij i Ajwal chi ronojel ktiki che.

2 Reyes 18:33

¿O wa jun chke i tiox chi re jub'an chik tinimit xtiki chkito'ik kitinimit pu'ab' i ajawinel aj Asiria?

2 Reyes 17:16

Xkiya kan utzij upixab' i Kajwal Dios, xki'an keb' uk'exwach keb' ral taq me' ru' anch'ich' kojb'al ki'ij, xaq xki'an jun uk'exwach ati Asera xaq xkikoj ki'ij i jalajuj taq b'iroxik chi je o chikaj xaq xkikoj u'ij i tiox Baal.

GÉNESIS 32:11

Wajwal chinawesaj pu'ab' i watz ma Esaú, man yin lik kinxij wib'; moqxa chinkamsaxik petnaq wi keukamsaj uri wixoqil xaq i wak'al.

JEREMÍAS 13:14

Te'uri keinpaxij na pacha upaxixik i xar, to' chkiwach ike kki'an kib', qajawxelab' ku' kak'al, xaq i chuchxelab' ku' kak'al. Lik kwil ti tob'al kiwach, kinsach ni kiwach, mixat jub'i' kwil tob'al kiwach xaq mixat jub'i' k'ax taq kuna ink'ux. Yin in Ajwal, xinb'iw ile.

2 Reyes 17:3

Ma Salmanasar, chi ajawinel re i tinimit Asiria, xu'an ch'oj chrij ma Oseas, keje uri ile chi ma Oseas le x-on ajpatan chrij ma Salmanasar xaq xutoj alkawal che.

Oseas 10:15

Keje ile kik'ulmaj ni yix, winaq aj Betel, rumal i nim laj imak atzalal. ¡I ajawinel re i Israel kkam na are ksaqirik!

AMÓS 3:14

che i ij le are kintz'onoj che i tinimit Israel ronojel umak, kinwulijsaj ni k'ijib'al re sujb'al sipon re i Betel; xaq i ok'a' chi o che i sujb'al sipon kk'upix na xaq ketzaq ni pulew.

Miqueas 5:11

kin-an ni che i nimaq taq atinimit chi ketzaq puyej xaq kinwulijsaj ni ronojel ukowib'al;