Oseas 1:1 - Wuj Pa K'ubultzij

¹ Iri are i tzijonik chi xub'ij i Ajwal che ma Oseas chi rak'al i ma Beeri che taq i ij re ajawinik re i ma Uzías, ma Jotam, ma Acaz xaq ma Ezequías, ajawinelab' re i tinimit Judá, xaq che taq i ij re ma Jeroboam, rak'al i ma Joás, ajawinel re i tinimit Israel.

Oseas 1:1 Referans Kwoze

Romanos 9:25

Pacha xutz'ib'aj i mam Oseas ujer: Ike chi ne te inwinaq yin, kin-an ni chke je inwinaq yin; ike chi k'ax ti xe'inna'o, kink'ut ni i k'axnab'al ink'ux chke.

Miqueas 1:1

Iri are i tzijonik chi Ajwal xub'ij che ma Miqueas re i tinimit Moreset chi xaq xuk'ut che puwach chrij i tinimit Samaria xaq i tinimit Jerusalén, che taq i ij chi ma Jotam, ma Acaz xaq ma Ezequías kerajawin pa tinimit Judá.

ISAÍAS 1:1

Tzijonik re i Ajwal chi xub'ij ma Isaías uk'ojol ma Amoz, ile xb'ix che rumal i Dios chupam jun ilik pa wachij wach kuk'ulmaj i tinimit Judá xaq i Jerusalén che taq i ij re rajawinik ma Uzías, ma Jotam, ma Acaz xaq i ma Ezequías chila pa Judá.

AMÓS 1:1

Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

2 Reyes 15:32

Che i ukab' junab' rajawinik ma Peka, chi uk'ojol Remalías, ma Jotam, chi rak'al ma Uzías, xujeq ajawinik pa tinimit Judá.

2 Reyes 14:16

Are xkamik, xkimuq chila pa tinimit Samaria, junam ku' i ajawinelab' aj Israel; chrijil chik ire, xrajawin kan uk'ojol puk'exel chi ma Jeroboam.

2 Pédro 1:21

Man mijun profeta to' xutz'ib'aj wach unojb'al ire. Xwiri ni'pa i xkib'ij ike, lik are utzij i Dios, man ike lik xkiya kib' pu'ab' i Dios, xaq wach i xkib'ij, lik are Lo'laj Utewal i Dios xyaw chke.

Juan 10:35

Yoj qeta'am chi ronojel ni'pa kub'ij uwuj i Dios lik qatzij. I Dios xub'ij dios chke i winaq chi xub'ij utzij chke.

ZACARÍAS 1:1

Che i uwajxaq ik' re i ukab' junab' re rajawinik i ajawinel ma Darío, i Ajwal xub'ij i tzijoniki che i profeta ma Zacarías, chi uk'ojol ma Berequías xaq i ri umam ma Iddo. Xub'ij che:

JONÁS 1:1

I Ajwal xu'ijla ma Jonás, chi uk'ojol ma Amitai, i xub'ij che:

Joel 1:1

Iri are i tzijonik chi Ajwal xub'ij che ma Joel, chi uk'ojol ma Petuel.

JEREMÍAS 1:4

I Ajwal xinu'ijla yin, xaq xub'ij chwe:

JEREMÍAS 1:2

I Ajwal xu'ijla ma Jeremías are o chik oxlajuj junab' che rajawinik ma Josías chi uk'ojol ma Amón, chila pa tinimit Judá.

2 Reyes 13:13

Are xkam ma Joás, xkimuq chila pa tinimit Samaria ku' i ajawinelab' aj Israel. Chrijil chik ile ma Jeroboam xk'iji kan puk'exel pa kub'ib'al chi o u'ij.

2 Reyes 14:23

Che i jo'lajuj junab' rajawinik ma Amasías, chi uk'ojol ma Joás, chi ajawinel re i tinimit Judá; ma Jeroboam, chi uk'ojol ma Joás, chi ajawinel re i tinimit Israel, xujeq ajawinik pa tinimit Israel. Xrajawin jun kawinaq (41) junab' chila Samaria.

2 Reyes 15:5

Rumali i Ajwal xuya jun tojb'al che i ajawinel le ru' jun itzel laj yob'il che tz'umalil, k'a xkam na. Chuxe'el ukamik i ajawinel le, xk'iji utukel che chik jun ja chila chupam i nim laj rachoch i ajawinel, ma Jotam chi uk'ojol, xkanaj chuk'amik utzam i tinimit Judá.

2 Reyes 15:7

Are xkam ma Azarías, xkimuq chila ku' i ratit umam pa nim laj tinimit re ma David; chrijil chik ire, xkanaj kan uk'ojol puk'exel chi ma Jotam.

SEGUNDO LIBRO DE CR%D3NICAS 27:1

Ma Jotam o jo'ob' juwinaq junab' che are xujeq ajawinik xaq waqlajuj junab' xrajawin pa Jerusalén. I uchuch ati Jerusa ub'i, chi umi'al ma Sadoc.

SEGUNDO LIBRO DE CR%D3NICAS 28:1

Ma Acaz o juwinaq junab' che are xujeq ajawinik. Xaq waqlajuj junab' xrajawin pa Jerusalén. Xwiri ronojel ni'pa xu'ano lik utz taj chwach i Ajwal, keje taj pacha xu'an i etz mam David, chi ratit umam.

SEGUNDO LIBRO DE CR%D3NICAS 29:33

I sipon chi xkiporoj are iri: lajujwinaq jumo' (600) b'oyexab' xaq lajujwinaq wuqmo' (3,000) chij.

ISAÍAS 7:1

I ajawinel re i tinimit Siria, chi are ma Rezín, xaq i ajawinel ke aj Israel, chi ma Peka ub'i, uk'ojol ma Remalías, xe'e chu'anik ch'oj chkij aj Jerusalén xaq xkaj umajik xwiri xetiki taj. Ile xuk'ulmaj are o ma Acaz pa ajawinel puwi i tinimit Judá, i ma Acaz le uk'ojol ma Jotam xaq ri umam ma Uzías.