NÚMEROS 8:16 - Wuj Pa K'ubultzij

¹⁶ Man je are ni aj Leví aj-anol inchak chkixol konojel aj Israel man ike le lik je we yin. Yin je ink'amom ike le pkik'exel konojel i nab'e taq kak'al aj Israel,

NÚMEROS 8:16 Referans Kwoze

NÚMEROS 3:12

“Xeincha aj Leví chkixol aj Israel, pkik'exel i nab'e taq kak'al aj Israel, man aj Leví le lik je we yin,

NÚMEROS 3:45

“Cheak'ama aj Leví pkik'exel i nab'e taq kak'al aj Israel, xaq cheak'ama kichikop pkik'exel kichikop aj Israel, man i aj Leví je we yin. Yin in Ajwal xinb'ij ile.

NÚMEROS 3:9

Chea'ulu konojel aj Leví chkixol aj Israel xaq cheajacha che ma Aarón xaq chke i rak'al man kki'an ni kipatan chkij ike;

ÉXODO 13:2

“Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

NÚMEROS 3:6

Cheasik'ij konojel ulemajil ma Leví man ke'e chuto'ik i ajsujul sipon chi ma Aarón xaq chki'ana chrij pacha ketaq che.

NÚMEROS 3:13

man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”