NÚMEROS 35:6 - Wuj Pa K'ubultzij

⁶ I tinimit chi kiya chke aj Leví are ni iri: Waqib' tinimit re tob'al kib' chwach i kamik. Chrijil chik i waqib' tinimit le k'a kya' chik keb' kawinaq (42) tinimit chke.

NÚMEROS 35:6 Referans Kwoze

JOSUÉ 21:13

Xwi ti tinimit Hebrón re tob'al kib' ni'pa i kki'an i kamik, xaq xya' kan chke je umuq uxikin i ajsujul sipon ma Aarón, xya' kan i nim laj tinimiti Libna,

JOSUÉ 21:3

Are uri i je aj Israel xki'ano chrij pacha ub'im i Ajwal, xkiya kan jujun chke i kitinimit xaq kulew chke aj Leví re kik'ijib'al xaq re kiwayb'al kichikop.

Salmos 9:9

I Ajwal keuto ni'pa kkitij i k'ax pki'ab' i jub'an chik; Ire lik keuto che i ij are je o pa k'ax.

JOSUÉ 21:38

Xaq xya' kan i tinimiti chke chi o pkulew utzob'ajil ma Gad: Ramot chi o pa Galaad, i tinimit le xaq re tob'al kib' ni'pa i kki'an i kamik; xaq i Mahanaim,

JOSUÉ 21:36

Xaq xya' kan i tinimiti chke chi o pkulew utzob'ajil ma Rubén: Beser, Jahaza,

JOSUÉ 21:32

Xaq xya' kan i tinimiti chke chi o pkulew utzob'ajil ma Neftalí: Cedes chi o chila pa Galilea, i tinimit le xaq re tob'al kib' ni'pa i kki'an i kamik, xaq i Hamot-dor xaq i Cartán; oxib' tinimit ronojel, rachi'ilam ulew re kiwayb'al i chikop.

JOSUÉ 21:27

I je aj Leví chi je umuq uxikin ma Gersón xya' keb' kitinimit chke, chi ke te'eq i nik'aj chke utzob'ajil ma Manasés, rachi'ilam ulew re kiwayb'al i chikop chi are iri: Golán chi o chila pa Basán, i tinimit le re tob'al kib' ni'pa i kki'an i kamik, xaq i tinimit Beestera, keb' tinimit.

JOSUÉ 21:21

I ulew le o chila tzam taq jyub' Siquem, are i tinimit re tob'al kib' ni'pa i kki'an i kamik, xaq i Gezer.

Hebreos 6:18

Keb' tzij xub'ij i Dios. Nab'e, xub'ij chke chi kuya ni utzil chomal chke; i Dios kt'oron taj. Te'uri, i ukab' tzij, ire lik xukuxtaj ub'i puwi utzij le, chi ku'an na pacha ub'im chke. I keb' tzij le kjalwachix taj. Rumali, yoj chi qariqom qato'ik ru' i Dios lik kul qak'ux che chi kqil na pacha ub'im chqe.

Mateo 11:28

Chixpet wu' Yin, iwonojel yix chi ix kosnaq che ichak, iwonojel yix chi o iweqan; man Yin kinya ni uxlanem chiwe.

ISAÍAS 4:6

Re keuchajij xaq re keuto, xaq kajwax chke re kimuj rumal uk'axk'ol i ij are pa'ij, xaq tob'al ke chwach i jab' xaq chwach i jab' chi tew upam xaq i ray.

NÚMEROS 35:5

I unimal ulew le junam raqan ru' uwach kuya lajujwinaq jumo' (600) xik'ab' k'ulala, chi ke'eloq pacha unimal prelb'al ij xaq keje uri unimal puqajb'al ij, pacha unimal pumoxab' xaq keje uri unimal puwiqab'. I tinimit kkanaj ni pa nik'aj che ulew chi re kiwayb'al i chikop.

ÉXODO 21:13

I x-anaw i kamik le we chu'anik taj xu'ano man i Dios uch'ob'om chik chi keje ile kuk'ulmaj, k-anmaj ni uri chuto'ik uk'aslemal che jun k'ijib'al chi kinb'ij ni che.