NÚMEROS 35:12 - Wuj Pa K'ubultzij

¹² chila kuto wi rib' pu'ab' i rachalal i winaq chi xkamik chi kraj ku'an uk'exel che ire, lik nti kuk'ulmaj i kamsanel le k'a k-ani ni atb'al tzij che kumal i winaq re i tinimit.

NÚMEROS 35:12 Referans Kwoze

Deuteronomio 19:6

Xwiri i nim laj tinimit re i tob'al ib', we lik naj o wi, kriqtaj uri pa b'e rumal jun rachalal i kamnaq chi naqaj o wi, we kterej b'i chrij kukamsaj uri, xwiri i achi le kmajaw taj chi kkamsaxik man chu'anik taj xu'an i kamik, man lik nti kich'oj ru' i jun chi xkamik.

JOSUÉ 20:9

Are i tinimit ile chi xkich'ik rij i aj Israel re tob'al kib' konojel i aj Israel xaq i je aj naj chi kejeqi chkixol ike, chi we xki'an jun kamik chu'anik taj, man keje ile kkamsax ti rumal i rachalal i kamnaq chi o pu'ab' kkamsanik, are k'amaja k-ati tzij puwi kumal konojel i unimaqil re i tinimit.

2 Samuel 14:7

Wo'or konojel i wachalal tzel kinkilo man kkaj ike chi yin kinjach i wak'al pki'ab' rumal i kamsanik chi xu'ano, man keje ile ike kkiya ni utojb'alil i kamik chi xu'ano xaq kkaj chi mijun kkanaj kan chwach ub'itaq we. We kkikamsaj i wak'al le, lik intukel uri kinkanajik xaq nti chiki kuxtab'al ub'i i wachijil waral chwach i jyub' ta'aj.

NÚMEROS 35:19

Lik are i rachalal kan i winaq chi xkamsaxik, kkamsaw i ajkamsanel xaipa kuriq wi pa taq b'e.

NÚMEROS 35:13

I jalajuj taq tinimit chi xya'ik, waqib' re ni tob'al ib':

Deuteronomio 19:4

Jun winaq we xu'an i kamik utz uri kuto rib' chila, tob'al re uk'aslemal we lik qatzij chi chu'anik taj xu'an i kamik; xaq we nti jun kich'oj chkiwach.

JOSUÉ 20:2

“Chab'ij chke je aj Israel chi chkich'ika kij jub'an tinimit re tob'al ib', chrij pacha xinb'ij che etz mam Moisés chi katutaq ni che.