NÚMEROS 33:38 - Wuj Pa K'ubultzij

³⁸ Rumal utaqanik i Ajwal, i ma Aarón, chi ajsujul sipon, xel b'i puwi i jyub' Hor, chila xkam wi che i nab'e ij, re ujo' ik' che i junab' kawinaq (40) che i kelik li aj Israel pa Egipto.

NÚMEROS 33:38 Referans Kwoze

Deuteronomio 10:6

I aj Israel xe'el chila pa Beerot-bene-jaacán xe'e chila pa Mosera. Chila xkam wi ma Aarón xaq chila xmuq wi kanoq, rumali chi are uk'ojol chi ma Eleazar xkanaj puk'exel chi ajsujul sipon.

Deuteronomio 32:50

I jyub' chi katel b'i puwi le, chila katkam wi kanoq, kat-e ku' atinimit, keje pacha xu'an awatz ma Aarón chi xkam chila puwi i jyub' Hor chi xaq x-e ku' utinimit.

NÚMEROS 33:39

Are xkam ma Aarón chila puwi i jyub' Hor, o oxib' waqwinaq (123) junab' che.

Deuteronomio 1:3

Che i nab'e ij re i ik' julajuj, che i junab' kawinaq (40), ma Moisés xub'ij ronojel chke aj Israel ni'pa xub'ij i Ajwal che ire. Chuxe'el ile ma Moisés xuch'ak ma Sehón chi ajawinel ke aj Hamor chi o te'eq chila pa Hesbón xaq ma Og chi ajawinel re i tinimit Basán, chi o te'eq chila pa Astarot chi o chila che ulew Edrei.