NÚMEROS 31:3 - Wuj Pa K'ubultzij

³ Are uri ma Moisés xub'ij chke konojel aj Israel: —Chkiyijb'a kib' jujun chiwe yix, man kix-e chu'anik ch'oj chkij aj Madián, anb'al uk'exel chke pub'i i Ajwal.

NÚMEROS 31:3 Referans Kwoze

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.

JEREMÍAS 46:10

Iri are u'ij i Ajwal chi ronojel ktiki che, i iji are ku'anb'ej uk'exel i utz taj chke i rajch'oj chrij. I ch'ich' chi k'ulala o uware o pu'ab' i Ajwal i ku'an ni sokonik chke konojel ni'pa i keuriqo, lik k'a ko'on ni kaq rumal i uk'iyal kik'. Rumali i Ajwal chi ronojel ktiki che ku'an jun nim laj kamik che i tinimit moxab' chunaqaj i raqana Éufrates.

2 Reyes 10:30

I Ajwal xub'ij che ma Jehú: “Rumal ronojel i utz chi xa'an chinwach yin, man xa'an ronojel ku' i ralk'uwal ma Acab chrij pacha kwaj yin, rumali konojel awak'al kek'iji ni pa kub'ib'al chi o u'ij re Israel, k'a kk'is ni ukaj lemajil.”

2 Reyes 9:7

Yet kakamsaj ni i ralk'uwal ma Acab, chi awajaw, man keje ni utojik ile kki'ano rumal kikik'el i profeta chi je we yin xaq i je wajchak chi xtix rumal ati Jezabel.

Jueces 5:23

I ángel re i Ajwal kutzijoj: “¡Chpet ni jun k'ax laj tojpen puwi ma Meroz xaq pkiwi konojel uwinaq!” Man xeupon ti chkito'ik i ajch'oj re i Ajwal pacha xki'an i ko kiwach.

Jueces 5:2

Iwonojel chib'ixaj u'ij i Ajwal, man k'a je o achiyab' pa Israel chi lik ronojel kik'ux kki'an ch'oj. Man k'a je o achiyab' chkixol konojel i winaq chi lik kkaj enam are kesik'ix pa ch'oj.

NÚMEROS 25:13

Rumali chab'ij che chi kinjach pu'ab' ire xaq pki'ab' umuq uxikin i chak re i ajsujul sipon k-e ij saq chrij, man ire xuk'utu chi xwi yin koksax in-ij man ru' i xu'ano le, Yin xinkuy kimak konojel aj Israel.

NÚMEROS 25:11

—Ru' i anik chi xu'an ma Finees le, xu'an chwe chi xik'aw woywal chke aj Israel, man ire xaq xpe roywal pacha Yin kumal ike chi xkikoj ti in-ij yin. Rumali xink'is ti kikamsaxik rumal woywal.

ÉXODO 17:16

Xaq xub'ij: “I k'ul chi kuk'ut u'ij jun tzob'aj o pu'ab' i Ajwal rumali wo'or ku'an ni ch'oj chkij aj Amalec xaq chkij kimuq kixikin.” Xcha.

JEREMÍAS 50:28

I winaq chi xe'anmaj li pa Babilonia xeupon k'a pa Sion xaq kkilapo wach x-on i Ajwal, chi qa-Dios, chi xuya utojb'alil che i tinimit Babilonia, chi lik kmajaw che rumal i xu'an che i rachoch i Ajwal.

NÚMEROS 31:4

Chkijujunal i jutaq tzob'ajil, chkitaqa b'i lajujwinaq kamo' (1,000) achiyab' pa ch'oj.