NÚMEROS 31:14 - Wuj Pa K'ubultzij

¹⁴ Xwiri ma Moisés lik xpe roywal chke i aj-atzil ke i lajujwinaq kamo' (1,000) xaq chke i aj-atzil ke i jo'winaq (100) chi xeupon pa ch'oj.

NÚMEROS 31:14 Referans Kwoze

Efesios 4:26

We kpe iwoywal, miya che chi kixmakun rumal. Juntir chipaka iwoywal tz'aqat k'amaja kqaj i ij,

2 Reyes 13:19

Are uri i profeta, xpe roywal che xaq xub'ij che: —Wetene xab'uj i ch'ab' jo'mul pulew, xaq wetene waqmul, lik kattiki te'eqi chkich'akik aj Siria ronojel ij saq, k'a kachup ni kiwach uri konojel. Xwiri wo'or xa oxmul kattiki ni chkich'akik.

1 Reyes 20:42

Are uri i profeta le, xub'ij che: —Keje iri ub'im i Ajwal: “Yet xaya b'i che achi x-ek chi ub'im i Ajwal kkamsax na, rumali wo'or, yet katkam ni puk'exel ire xaq kekam ni awinaq, puk'exel uwinaq ire.”

NÚMEROS 31:48

Are uri i aj-atzil chke i lajujwinaq kamo' (1,000) xaq aj-atzil chke i jo'winaq (100) achiyab' chi je yij che i ch'oj, xe'e chrilik ma Moisés,

NÚMEROS 12:3

Man saq laj tzij i ma Moisés lik xwi ire utz laj winaq te'eq chwach i jyub' ta'aj.

LEVÍTICO 10:16

Chrijil chik ile i ma Moisés xutz'onoj chke ipa o wi i chab'at ma chi kkisujuj re riqb'al kuyb'al mak, xwiri are xuta chi kiporom chik puwi sujb'al sipon, lik xpe roywal che ma Itamar xaq che ma Eleazar, xub'ij chke:

ÉXODO 32:22

I ma Aarón xub'ij: —Mpe awoywal nim laj winaq, man yet aweta'am chi konojel winaq le lik kiya'om kik'ux che i mak atzalal.

ÉXODO 32:19

I ma Moisés are xupon chila ipa je o wi aj Israel xril pan uwach i me', xaq xrilo chi kexajaw chwach, are uri xpe jun nim laj roywal, xuk'aq b'i perpik ab'aj pulew chi o utzij upixab' i Dios chwach, lik ch'aqa taq x-ono. Ile xuk'ulmaj chila xe jyub' Sinaí.

NÚMEROS 31:13

Are uri ma Moisés, ma Eleazar chi ajsujul sipon xaq konojel i kaj-atzil aj Israel, xe'e chkik'ulaxik naj pan jub'i' che i k'ijib'al ipa je o wi aj Israel.

NÚMEROS 31:15

Xub'ij chke: —¿B'uchak chi xeikamsaj ti konojel ixoqib'?

1 Samuel 8:12

Jub'an chik ku'an ni chke chi keuya pa kaj-atzil i lajujwinaq kamo' (1,000) achiyab' chi je yij che i ch'oj, jub'an chik ku'an ni chke chi keuya pa kaj-atzil lajuj kawinaq (50) achiyab' chi je yij che i ch'oj. Jujun chiwe yix kixutaq ni chutukik uwach rulew xaq kimol uwach utikon; jub'an chik keutaq ni chu'anik i jalajuj taq anb'al ch'oj xaq i jalajuj taq anb'al ch'oj chi kok che i ch'ich' re b'inb'al.

2 Samuel 18:1

I ma David xrik'awsaj kib'i konojel achiyab' chi je yij che i ch'oj, xaq xukoj aj-atzil chke i jalajuj taq tzob'ajil chke lajujwinaq kamo' (1,000) xaq chke jo'winaq (100).